Viral News : अशी 'पॉवरफुल' लग्नपत्रिका तुम्ही कधी पाहिली आहे का? नेटकरी म्हणाले - वाचून क्षणभर गोंधळलो
Viral News : आजकाल एक लग्नपत्रिका सोशल मीडियावर खूप व्हायरल होत आहे, जी पाहिल्यानंतर नेटकरी आश्चर्य व्यक्त करत आहेत.
Viral News : प्रत्येकजण लग्न करतो, परंतु प्रत्येकाचे लग्न प्रसिद्धीच्या झोतात येत नाही. केवळ अशाच लोकांची लग्नं (Wedding) चर्चेत येतात, जे एकतर श्रीमंत किंवा सेलिब्रिटी आहेत. अशातच, लोक त्यांचे लग्न प्रसिद्ध करण्यासाठी काहीही करू लागले आहेत. काही लोक लग्नात पैसे खर्च करून प्रसिद्धीच्या झोतात येण्याचा प्रयत्न करतात, तर काहींना खास ठिकाणी लग्न करून जगाच्या नजरेत यायचे असते. तसे, आजकाल चर्चेत येण्याचा आणखी एक मार्ग खूप प्रचलित आहे आणि तो म्हणजे लग्नपत्रिका. लोक त्यांच्या लग्नाची पत्रिका अनोख्या पद्धतीने छापत आहेत. आजकाल अशीच एक लग्नपत्रिका सोशल मीडियावर खूप व्हायरल होत आहे, जी पाहिल्यानंतर नेटकरी आश्चर्य व्यक्त करत आहेत.
View this post on Instagram
ही अनोखी लग्नपत्रिका
तुम्ही वेगवेगळ्या प्रकारची लग्नपत्रिका पाहिली असतील, पण शेअर बाजाराच्या थीमवर आधारित लग्नपत्रिका तुम्ही क्वचितच पाहिली असतील. व्हायरल होत असलेली लग्नपत्रिका अशीच काहीशी आहे. या कार्डवर लिहिलेला मजकूर संपूर्णपणे शेअर बाजारावर आधारित आहे. विशेष म्हणजे या कार्डमध्ये शेअर बाजारातील जगातील सर्वात मोठ्या लोकांची नावेही लिहिली आहेत. लग्नपत्रिकेवर सहसा देवाचे नाव म्हणजेच 'श्री गणेशाय नमः' असे लिहिलेले असते, परंतु या कार्डमध्ये देवाच्या नावाऐवजी राकेश झुनझनवाला, वॉरन बफेट आणि हर्षद मेहता यांची नावे लिहिलेली आहेत. ही लग्नपत्रिका नांदेड, महाराष्ट्रातील एका डॉक्टरची असून वधूही डॉक्टर आहे. हे कार्ड कितपत खरे किंवा कोणी गंमतीने बनवले? त्याबाबत कोणतीही माहिती नाही.
नेटकरी म्हणाले - वाचून क्षणभर गोंधळलो
या अनोख्या लग्नाचे कार्ड सोशल मीडिया प्लॅटफॉर्म इन्स्टाग्रामवर thestockmarketindia नावाच्या आयडीसह शेअर करण्यात आले आहे, ज्याला आतापर्यंत 7 हजारांहून अधिक लाईक्स मिळाले आहेत, तर लोकांनी विविध मजेदार प्रतिक्रियाही दिल्या आहेत. एका यूजरने लिहिले आहे की ही 'नेक्स्ट लेव्हल स्टॉक मार्केट क्रेझ' आहे, तर कोणी 'हे वाचून माझे मन गोंधळले' असे लिहिले आहे.
इतर महत्वाच्या बातम्या
Madhuri Dixit: 'तुझ्याकडून ही अपेक्षा नव्हती'; माधुरी दीक्षितनं ‘मेरा दिल ये पुकारे’ गाण्यावरील डान्सचा ट्रेंड फॉलो केल्यानं नेटकरी संतापले
महत्त्वाच्या बातम्या
