Madhuri Dixit: 'तुझ्याकडून ही अपेक्षा नव्हती'; माधुरी दीक्षितनं ‘मेरा दिल ये पुकारे’ गाण्यावरील डान्सचा ट्रेंड फॉलो केल्यानं नेटकरी संतापले
बॉलिवूडची धक धक गर्ल माधुरी दीक्षितनं (Madhuri Dixit) 'मेरा दिल ये पुकारे आजा' या गाण्यावरील डान्सचा ट्रेंड फॉलो केला. माधुरीनं शेअर केलेल्या या व्हिडीओला कमेंट करत अनेक नेटकरी ट्रोल करत आहेत.
Madhuri Dixit: पाकिस्तानमधील आयेशा नावाच्या तरुणीचा एक व्हिडीओ सध्या सोशल मीडियावर प्रचंड व्हायरल होत आहे. या व्हिडीओमध्ये दिसत आहे की, आयेशा ही लता मंगेशकर यांच्या 'मेरा दिल ये पुकारे आजा' या गाण्यावर डान्स करत आहे. आयेशाचा हा व्हिडीओ व्हायरल झाल्यानंतर 'मेरा दिल ये पुकारे आजा' डान्स करण्याचा ट्रेंड सोशल मीडियावर व्हायरल झाला. या ट्रेंडला अनेक नेटकऱ्यांनी तसेच सेलिब्रिटींनी फॉलो केलं. आता हा ट्रेंड बॉलिवूडची धक धक गर्ल माधुरी दीक्षितनं (Madhuri Dixit) देखील फॉलो केला आहे. माधुरीनं 'मेरा दिल ये पुकारे आजा' गाण्यावरील डान्सचा व्हिडीओ सोशल मीडियावर शेअर केला. या व्हिडीओला कमेंट करत अनेक नेटकरी माधुरीला ट्रोल करत आहेत.
माधुरीनं शेअर केलेल्या व्हिडीओमध्ये ती सिल्वर नेटेड साडी आणि सिल्वर ज्वेलरी अशा लूकमध्ये दिसत आहे. या व्हिडीओला कमेंट करुन काही नेटकऱ्यांनी माधुरीच्या डान्सचं कौतुक केलं पण काहींनी मात्र तिला ट्रोल केलं.
नेटकऱ्यांच्या कमेंट्स
माधुरीच्या व्हिडीओला एका नेटकऱ्यानं कमेंट केली, 'या ट्रेंडचा व्हायरस भारतात देखील आला.' तर दुसऱ्या युझरनं कमेंट केली, 'ओह नो, तुझ्याकडून ही अपेक्षा नव्हती'. 'तुम्ही माझ्या फेवरेट आहात. प्लिज असला थर्ड क्लास ट्रेंड फॉलो करु नका', अशी देखील कमेंट एका नेटकऱ्यानं केली.
पाहा व्हिडीओ:
View this post on Instagram
काही महिन्यांपूर्वी ''द फेम गेम' ही माधुरीची सीरिज प्रेक्षकांच्या भेटीस आली. या सीरिजमध्ये माधुरीसोबत संजय कपूर, मानव कौल, सुहासिनी मुले, लक्ष्यवीर सरन या कलाकारांनी प्रमुख भूमिका साकारली. माधुरी ही झलक दिखला जा या कार्यक्रमामधून देखील प्रेक्षकांच्या भेटीस येत होती.
वाचा इतर महत्वाच्या बातम्या:
महत्त्वाच्या बातम्या
