सुप्रिया सुळे म्हणाल्या, 6 महिन्यात आणखी एका मंत्र्यांचा राजीनामा, अजित पवारांचं स्पष्टच उत्तर, धनंजय मुंडेंवरही बोलले
पुढच्या 6 महिन्यात आणखी एका मंत्र्यांचा राजीनामा द्यावा लागेल असं वक्तव्य शरद पवार गटाच्या खासदार सुप्रिया सुळे (Supriya Sule) यांनी केलं होतं. यावर उपमुख्यमंत्री अजित पवार यांनी प्रतिक्रिया दिली.
Ajit Pawar on Supriya Sule : पुढच्या 6 महिन्यात आणखी एका मंत्र्यांचा राजीनामा द्यावा लागेल असं वक्तव्य शरद पवार गटाच्या खासदार सुप्रिया सुळे (Supriya Sule) यांनी केलं होतं. याबाबत राज्याचे उपमुख्यमंत्री अजित पवारांना (Ajit Pawar) विचारण्यात आलं. यावेळी ते म्हणाले की, ज्यावेळी आम्ही मंत्री म्हणून शपथ घेतो, त्यानंतर काम करत असताना डोळ्यासमोर शपथ ठेवून फाईलवर सही असेल, निर्णय घेताना, धोरण ठरवताना, लोकांमध्ये वावरताना सगळ्या गोष्टींचं तारतम्य ठेवलं पाहिजे असे अजित पवार म्हणाले. यामध्ये जर कोणी चुका केल्या आणि त्या विरोधकांनी काढल्या, त्या चुका जर गंभीर असतील तर व्यक्तिसा त्याची किंमत मोजावी लागेल असे अजित पवार म्हणाले. एबीपी माझाच्या माझा महाराष्ट्र माझा व्हिजन (Maja Maharashtra Maja Vision) या कार्यक्रमात अजित पवार बोलत होते.
सर्वांनी तारतम्य ठेवून बोललं पाहिजे
औरंगजेबच्या कबरीच्या मुद्यावर देखील अजित पवार यांनी वक्तव्य केलं. छत्रपती शिवाजी महाराजांनी सर्वांना बरोबर घेऊन राज्य केलं. तिच गोष्टी छत्रपती शाहू महाराजांनी, डॉ. बाबासाहेब आंबेडकरांनी केल्याचे अजित पवार म्हणाले. या सर्वांनी जातीय सलोखा राखण्याचे काम केले. कारण नसताना ऐकमेकांच्याबद्दल गैरसमज निर्माण करणे मला पटत नाही. त्या कबरीचे प्रकरण आत्ताच कशाला उकरुन काढायचे असे अजित पवार म्हणाले. ज्यावेळेस मंत्री म्हणून आपण काम करतो तेव्हा तारतम्य ठेवून बोललं पाहिजे असे अजित पवार म्हणाले. संतोष देशमुख हत्या प्रकरणात एसआयटी, सीआयडी नेमली आहे. आत्तापर्यंत या चौकशीत धनंजय मुंडे यांचे नाव कुठेही आले नसल्याचे राज्याचे उपमुख्यमंत्री अजित पवार म्हणाले. ज्यावेळी संतोष देशमुखांना मारहाणीचे फोटो व्हायरल झाले आम्हालाही त्याच्या वेदना झाल्या. त्यानंतर आम्ही सगळे बसलो, त्यानंतर धनंजय मुंडे यांनी राजीनामा दिल्याचे अजित पवार म्हणाले.
देवेंद्र फडणवीस हे पंतप्रधान नरेंद्र मोदी आणि अमित शाह यांच्या किती जवळ हे मला माहित
मी व्यवहारी माणूस आहे. आमचे 41 आमदार होते. भाजपचे 127 आमदार आले होते, त्यामुळं भाजपचा मुख्यमंत्री होणार हे त्रिवार सत्य आहे. देवेंद्र फडणवीस हे पंतप्रधान नरेंद्र मोदी आणि अमित शाह यांच्या किती जवळ हे मला माहित असल्याचे अजित पवार म्हणाले. त्यामुळं आपण वेळ न घालवता उपमुख्यमंत्री व्हावं असे मला वाटल्याचे अजित पवार म्हणाले.
चुकीचं वागणाऱ्यांवर कारवाई करणार
माझं काम स्टेट फॉरवर्ड असते. बीड असो किंवा पुणे असो चुकीचं वागणाऱ्यांवर कारवाई करणार असल्याचे अजित पवार म्हणाले. कायद्याचे पालन सगळ्यांनी करावं अशी माझी भूमिका असल्याचे अजित पवार म्हणाले. छगन भुजबळ यांनी अनेक ठिकाणी काम केलं. विधानसभा, विधानपरिषदेवर काम केलं आहे. त्यांनी राज्यसभेवर जावं असं मला वाटत होतं. छगन भुजबळांना नाराज करण्याचा माझा किंवा पक्षाचा हेतू नव्हता असेही अजित पवार म्हणाले.
महत्वाच्या बातम्या:
देवेंद्र फडणवीस की एकनाथ शिंदे? तुमच्या जवळचे कोण? अजित पवारांनी झटक्यात सांगितलं नाव
महत्त्वाच्या बातम्या
