![metaverse](https://cdn.abplive.com/imagebank/metaverse-top.png)
Pune Rape News : अंगणात खेळत असणाऱ्या 5 वर्षीय दोन बालकांना घरात नेलं, पॉर्न व्हिडीओ दाखवले अन् लैंगिक अत्याचार केला; पुण्यातील घटना
पाच वर्षाच्या मुलासोबत आणि मुलीसोबत लैंगिक अत्याचार केल्याची धक्कादायक घटना समोर आली आहे. पुण्यातील सांगवी सांडस येथे ही घटना घडली आहे.
![Pune Rape News : अंगणात खेळत असणाऱ्या 5 वर्षीय दोन बालकांना घरात नेलं, पॉर्न व्हिडीओ दाखवले अन् लैंगिक अत्याचार केला; पुण्यातील घटना pune crime news sexual abuse of two five year old children a shocking incident in pune fir against 28 year-old youth Pune Rape News : अंगणात खेळत असणाऱ्या 5 वर्षीय दोन बालकांना घरात नेलं, पॉर्न व्हिडीओ दाखवले अन् लैंगिक अत्याचार केला; पुण्यातील घटना](https://feeds.abplive.com/onecms/images/uploaded-images/2023/11/27/66df87f5d7ee4171c7f4d4e17ea357a51701095339497442_original.png?impolicy=abp_cdn&imwidth=1200&height=675)
पुणे : पुणे शहरात आणि जिल्ह्यात लैंगिक छळ आणि अत्याचाराच्या प्रकरणांमध्ये (Pune Rape News ) सातत्याने वाढ होत असल्याचं घडलेल्या घटनांमधून समोर आलं आहे. त्यातच आता पाच वर्षाच्या मुलासोबत आणि मुलीसोबत लैंगिक अत्याचार केल्याची धक्कादायक घटना समोर आली आहे. पुण्यातील सांगवी सांडस येथे ही घटना घडली आहे. 25 नोव्हेंबरला सायंकाळी चार ते पाच या दरम्यान सांगवी सांडस येथील आरोपीच्या घरात घडली.
घडलेल्या या प्रकारानंतर दोन्ही चिमुकल्यांच्या आईने पोलिसांत धाव घेतली आहे. लोणीकंद पोलीस ठाण्यात तक्रार दाखल केली आहे. या तक्रारीनंतर स्वप्निल ढमढेरे उर्फ तात्या याच्यावर पोक्सो कलम अंतर्गत गुन्हा दाखल करण्यात आला आहे. दोन्ही चिमुरडे त्यांच्या घराच्या अंगणात खेळत होते. खेळत असताना आरोपी त्यांच्या अंगणात आला आणि त्या दोघांना घरात घेऊन गेला. त्यावेळी दोन्ही पाच वर्षांच्या मुलांना घेऊन घरात गेला आणि मुलांना मोबाईलमध्ये अश्लील फोटो आणि व्हिडीओ दखवले. त्यानंतर फिर्यादी यांच्या पाच वर्षाच्या मुलीसोबत लैंगिक अत्याचार केले. हा प्रकार पिडीत मुलांच्या आईला समजल्यानंतर त्यांनी रविवारी (दि.26) लोणीकंद पोलीस ठाण्यात धाव घेत आरोपीविरुद्ध तक्रार दिली.
पुण्यात बलात्काराच्या घटनांमध्ये चांगलीच वाढ
पुण्यात बलात्काराच्या घटनांमध्ये चांगलीच वाढ होताना दिसत आहे. काही दिवसांपूर्वी दोन सख्ख्या भावांनी अल्पवयीन मुलीवर सलग 15 दिवस अत्याचार केल्याची घटना समोर आली होती. अत्याचार करुन मुलीला आई वडिलांना कोयत्यानं मारुन टाकण्याची धमकी दिली होती. या घटनेमुळे सगळीकडे संताप व्यक्त केला गेला. पुण्यातील उरुळी कांचन परिसरात ही घटना घडली होती.या प्रकरणी पीडित मुलीच्या आईने लोणी काळभोर पोलीस ठाण्यात फिर्याद दिली होती. त्यानुसार पोलीसांनी नराधम इरफान शेख आणि आयुब शेख यांच्या विरोधात गुन्हा दाखल केला असून त्यांना अटक करण्यात आली होती. मुलीची आई रात्री पावणे बाराच्या सुमारास लघुशंकेसाठी बाहेर आली होती. यावेळी मुलगी अभ्यास करत असलेल्या खोलीच्या बाहेर आयुब दिसला होता. तर मुलीच्या खोलीचा दरवाजा उघडून आत पाहिल्यावर खोलीत इरफान दिसला. मुलीच्या आईला पाहून दोघांनीही पळ काढला होता.
नराधमांना शिक्षा कधी?
पुण्यात सध्या अल्पवयी मुलीवर अत्याचाराच्या प्रकरणांमध्ये चांगलीच वाढ झाली आहे. त्यामुळे सध्या पालकांमध्येही भीतीचं वातावरण आहे.बाप, भाऊ यांच्याकडूनही बलात्कार झाल्याच्या घटना समोर आल्याने मुलींनी नेमकं कोणावर विश्वास ठेवावा, असा प्रश्न उपस्थित झाला आहे. त्यातच या नराधमांना शिक्षा कधी होणार?, असा प्रश्नही सातत्याने विचारला जात आहे.
इतर महत्वाची बातमी-
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)