Leopard: मावळात झाडावर चढून बसला बिबट्या, ग्रामस्थांमध्ये भीतीचं वातावरण, रेस्क्यू ऑपरेशन अन्...

Leopard in Maval: हा बिबट्या एका झाडावर निवांत बसला होता, मावळ वनविभागाचे पथक आंबेगाव येथे दाखल झाले.

Leopard in Maval

मावळ तालुक्यातील पवना धरण परिसरात आंबेगाव येथे दिवसा बिबट्या आल्याने, स्थानिक ग्रामस्थामध्ये भीतीचे वातावरण निर्माण झाले आहे.

हा बिबट्या एका झाडावर निवांत बसला असून, मावळ वनविभागाचे पथक आंबेगाव येथे दाखल झाले.

या गावातील एक शेतकरी शेतात जात असताना हा बिबट्या त्याच्या अंगावर धावून आला यात शेतकरी किरकोळ जखमी झाला आहे. ज्या ठिकाणी हा बिबट्या आला आहे, त्याठिकाणी पर्यटक मोठ्या संख्येने येतात.

इथे पवना धरणाची बँक वॉटर असल्याने येथे कॅम्पिंग मोठ्या प्रमाणावर असल्याने वनविभाग आणि लोणावळा ग्रामीण पोलीसांनी पर्यटकांना कॅम्पसच्या बाहेर न येण्याच्या सूचना केल्या आहेत.

या बिबट्याला अखेर जेरबंद करण्यात आलं आहे.