BMC Election 2022 : बीएमसी निवडणुकीच्या पार्श्वभूमीवर मुख्यमंत्री एकनाथ शिंदे यांच्याकडून मुंबईसाठी नवीन शिलेदारांची निवड
BMC Election 2022 : शिवसेनेच्या शिंदे गटाकडून पाच विभागप्रमुख आणि तीन महिला संघटकांची नियुक्तीमुख्यमंत्री एकनाथ शिंदे यांच्याकडून मुंबईसाठी नवीन शिलेदारांची निवड मुंबई महानगरपालिका निवडणुकीच्या पार्श्वभूमीवर नवीन नियुक्त्या जाहीर
BMC Election 2022 : आगामी मुंबई महापालिका निवडणुकीच्या (Mumbai Municipal Corporation Election) पार्श्वभूमीवर मुख्यमंत्री एकनाथ शिंदे (CM Eknath Shinde) यांनी शिवसेनेच्या शिंदे गटाच्या (Shinde Group) नियुक्त्या जाहीर केल्या आहेत. यात मुंबईसाठी नवीन शिलेदारांची निवड करण्यात आली आहे. मुंबईसाठी (Mumbai) पाच विभागप्रमुख तर तीन विभाग संघटकांना पक्ष बांधणी करण्यासाठी जबाबदारी सोपवण्यात आली आहे. या सर्व विभागप्रमुख आणि विभाग संघटकांना मुख्यमंत्री एकनाथ शिंदे यांच्या हस्ते नियुक्तीपत्र प्रदान करण्यात आली असून त्यांना पक्षविस्ताराचं काम सुरु करण्यास सांगण्यात आलं.
मुंबईतील शिवसेनेच्या शिंदे गटाच्या पदाधिकारी आणि पक्षाचे नवनियुक्त सचिव आणि आमदार यांच्या उपस्थितीत सोमवारी (29 ऑगस्ट) मुंबईतील सह्याद्री अतिथीगृहात एक विशेष बैठक पार पडली. या बैठकीला खासदार आणि शिंदे गटाचे सचिव राहुल शेवाळे, आमदार सदा सरवणकर, माजी स्थायी समिती सभापती यशवंत जाधव, आमदार यामिनी जाधव, सचिव आणि प्रवक्ते किरण पावसकर, सचिव संजय मोरे, ठाण्याचे माजी महापौर नरेश म्हस्के, माजी नगरसेविका आणि प्रवक्त्या शीतल म्हात्रे आणि शिंदे गटाचे सर्व प्रमुख पदाधिकारी उपस्थित होते. या बैठकीत मुख्यमंत्री शिंदे यांनी मुंबईसाठी काही चेहऱ्यांकडे महत्त्वपूर्ण जबाबदारी सोपवण्याचा निर्णय जाहीर केला आहे.
पाच विभागप्रमुख आणि तीन महिला संघटकांची नियुक्ती
दादर-माहीम वडाळा या विभाग क्रमांक 10 मधून गिरीश धानुरकर यांची विभागप्रमुखपदी तर प्रिया गुरव यांची विभागसंघटकपदी नियुक्ती करण्यात आली आहे. तर भांडुप विक्रोळी, मुलुंड या विभाग क्रमांक 7 मधून माजी आमदार अशोक पाटील यांची विभागप्रमुखपदी तर राजश्री मांदविलकर यांची विभाग संघटकपदी नियुक्ती करण्यात आली आहे. चेंबूर, सायन, अणुशक्ती नगर विभाग क्रमांक 9 मधून माजी नगरसेवक मंगेश कुडाळकर यांची विभागप्रमुखपदी तर कला शिंदे यांची विभाग संघटकपदी नियुक्ती करण्यात आली आहे. मलबार हिल, मुंबादेवी, कुलाबा या विभाग क्रमांक 12 मधून दिलीप नाईक यांना विभागप्रमुखपदी नियुक्ती करण्यात आली असून विभाग क्रमांक 9 येथून अविनाश राणे यांची विभागप्रमुखपदी नियुक्ती करण्यात आली आहे.
याआधी आमदार प्रकाश सुर्वे यांची मागाठाणे विधानसभा विभागप्रमुखपदी तर आमदार दिलीप लांडे यांची घाटकोपर-असल्फा विधानसभा विभागप्रमुखपदी तर माजी स्थायी समिती अध्यक्ष यशवंत जाधव यांची भायखळा विधानसभा मतदारसंघात विभागप्रमुखपदी नियुक्ती केल्याचे जाहीर करण्यात आले होते. त्यानंतर नव्याने या नियुक्त्या जाहीर झाल्या आहेत.
BMC निवडणुकीसाठी शिंदे गटाची बैठक, निवडणुकांच्या तोंडावर शिंदे गटाची रणनीती : ABP Majha
महत्त्वाच्या बातम्या
ट्रेंडिंग न्यूज
