Breast Cancer: महिलांनो..उशीर होण्यापूर्वी 'या' टेस्ट नक्की करा! ब्रेस्ट कॅन्सरने त्रस्त हिना खानने सांगितलं कारण, जाणून घ्या..

Breast Cancer: सध्या ब्रेस्ट कॅन्सरशी लढा देत असलेली हिना खानने आरोग्यासाठी चाचण्या करणे का महत्त्वाचे आहे, कारण जाणून तुम्हीही आश्चर्यचकित व्हाल. जाणून घ्या...

Breast Cancer Health lifestyle marathi news Women Get this test done before its too late Hina Khan who is suffering from breast cancer alerts people

Source : google

Breast Cancer: कॅन्सर हा एक गंभीर आजार आहे. कॅन्सरचं नाव जरी काढलं तरी भल्याभल्यांना घाम फुटतो, आजकालची बदलती जीवनशैली, कामाचा ताण तसेच इतर गोष्टींमुळे अनेक लोकांना विविध आजारांनी ग्रासलंय. ज्यापैकी कॅन्सर हा मोठ्या प्रमाणात होणारा आजार आहे, भारतात कॅन्सरच्या रुग्णांचं प्रमाण देखील वाढत चालल्याचं सांगण्यात येतंय. सध्या टीव्ही अभिनेत्री हिना खान ब्रेस्ट कॅन्सरशी लढा देत आहे हे सर्वांना माहित असेलच. यापूर्वी ती नेहमीच कोणत्या ना कोणत्या कारणांसाठी ट्रेंडमध्ये असायची, पण आजकाल ती ब्रेस्ट कॅन्सरमुळे चर्चेत आहे. कॅन्सर आणि तिच्या उपचारांबाबत अभिनेत्री तिच्या सोशल मीडियावर दररोज काही ना काही शेअर करत असते. जागतिक कर्करोग दिन 4 फेब्रुवारी रोजी साजरा करण्यात आला. या खास प्रसंगी हिना खानने एका कार्यक्रमात लोकांना अलर्ट केलंय, तसेच वैद्यकीय चाचण्यांचे महत्त्व समजून घेणे आपल्यासाठी का महत्त्वाचे आहे. याबद्दल सांगितले..

निरोगी आरोग्यासाठी चाचणी करून घेणे का महत्त्वाचे आहे?

तुम्ही लोकांना असे म्हणताना ऐकले असेल की, अनेकदा लोकांची वैद्यकीय चाचणी विनाकारण करून घेतली जाते. याचे कारण अधिक खर्च... मात्र अनेक लोक परिस्थिती पूर्णपणे हाताबाहेर जाईपर्यंत डॉक्टरकडेही जात नाहीत. आजकाल ब्रेस्ट कॅन्सरशी लढा देत असलेली हिना खान आरोग्यासाठी टेस्ट करून घेणे का महत्त्वाचे आहे हे याचे कारण सांगते..

काय म्हणाली हिना खान?

हिना खानने आपल्या भाषणात सांगितले की, तिचा हा प्रवास खूप अडचणीतून गेला आहे. ती हसतमुख असते, पण उपचारादरम्यान तिला होत असलेल्या वेदना आणि अस्वस्थता तिच्यासाठी एक परीक्षा आहे. ती म्हणते की, आधी चाचणी केल्याने तिला खूप मदत झाली, कारण त्यानंतर त्याचे संपूर्ण जग बदलले होते. अनेक वेळा जाणूनबुजून किंवा नकळत आपण मोठमोठ्या आजारांना आणखी मोठा बनवतो, म्हणूनच कर्करोगासारख्या आजारांची वेळेपूर्वी माहिती घेणे आपल्यासाठी महत्त्वाचे आहे, ज्यामुळे अनेक प्रकारे फायदे मिळू शकतात.

उपचारात मदत

हिना म्हणते की, जितक्या लवकर चाचणी केली जाईल तितक्या लवकर निकाल कळेल आणि उपचार सुरू करता येतील. वेळेत रोग ओळखल्यास निदानात अधिक यश मिळते, कारण आपले शरीर देखील लवकर उपचारांना प्राधान्य देते. एखादा आजार बराच काळ शरीरात राहिल्यास भविष्यात त्यातून बरे होणे कठीण होते आणि खर्चही जास्त होतो. सुरुवातीलाच पैसे खर्च करून खात्री करून घेतलेले बरे.

 

 

 

 

 

View this post on Instagram

 

 

 

 

 

 

 

 

 

 

 

A post shared by Hina Khan Fanclub (@thehinakhanera)

डॉक्टर काय म्हणतात?

अनेक आरोग्य तज्ज्ञ असेही सांगतात की अनेक वेळा रुग्ण, विशेषत: कुटुंबातील वडीलधारी मंडळी वैद्यकीय तपासणी टाळतात कारण त्यांना वाटते की कुटुंबाचा पैसा वाया जाऊ नये. त्यांना हे समजत नाही की उपचार उशीरा होण्यापेक्षा वेळेवर उपचार घेणे चांगले आहे आणि यामुळे भविष्यात खर्च किती वाढतो.

कर्करोगाची तपासणी केव्हा करावी?

• 45 ते 75 वर्षांपेक्षा जास्त वयाच्या लोकांनी वेळोवेळी स्वतःची कर्करोगाची चाचणी करून घेतली पाहिजे.
• स्तनाच्या कर्करोगाबाबत जागरूकता निर्माण करण्यासाठी 40 ते 74 वर्षे वयोगटातील प्रत्येक महिलेने कर्करोगाची चाचणी करून घ्यावी.
• जरी तुम्हाला कोणतीही लक्षणे दिसली तरी निश्चितपणे चाचणी करा.

कर्करोगाची लक्षणं

• विनाकारण वजन कमी होणे.
• नेहमी थकवा जाणवतो.
• त्वचेच्या रंगात बदल.
• शरीराच्या कोणत्याही भागाभोवती गाठ जाणवणे.
• लघवीमध्ये रक्त.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )