International Women's Day 2025 : केवळ अभिनयातच नाही तर व्यवसायातही 'या' सुंदरींचा बोलबाला; कमावतात कोट्यवधी रुपये; जाणून घ्या बॉलिवूडच्या बिझनेस वूमनबद्दल

Business Women Of Bollywood : बॉलिवूडमधील अनेक अभिनेत्रींचा केवळ अभिनयातच नव्हे तर व्यवसायातही बोलबाला आहे. आंतरराष्ट्रीय महिला दिनानिमित्त जाणून घेऊयात बॉलिवूडच्या बिझनेस वूमनबद्दल...

International Women's Day 2025

आज महिला प्रत्येक क्षेत्रात आपला ठसा उमटवत आहेत. बॉलिवूडमध्ये अशा अनेक सुंदरी आहेत ज्या केवळ अभिनयातच नंबर वन नाहीत तर व्यावसायिक जगातही नंबर वन ठरत आहेत. बॉलिवूडपासून हॉलिवूड गाजवलेल्या प्रियांका चोप्राचे न्यू यॉर्कमध्ये 'सोना' नावाचे एक रेस्टॉरंट आहे. तिची स्वतःची हेअरकेअर लाइन 'अ‍ॅनोमली' आणि प्रादेशिक चित्रपटांवर लक्ष केंद्रित करणारी 'पर्पल पेबल पिक्चर्स' ही निर्मिती कंपनी आहे.

दीपिका पदुकोण अभिनयासोबतच व्यवसायावर लक्ष केंद्रित करत आहे. ती 'लिव्ह लव्ह लाफ' फाउंडेशनची संस्थापक आहे. जी मानसिक आरोग्य जागरूकतेशी संबंधित आहे. याशिवाय तिने ऑनलाइन फॅशन आणि लाइफस्टाइलमध्येही पैसे गुंतवले आहेत. तिचा स्वतःचा कपड्यांचा ब्रँड 'ऑल अबाउट यू' आहे.

अनुष्का शर्मा अभिनेत्रीपासून निर्माती बनली आहे. तिची निर्मिती कंपनी क्लीन स्लेट फिल्म्सने 'परी' आणि 'एनएच 10' सारखे चित्रपट बनवले आहेत. याशिवाय, तिची स्वतःची कपड्यांची कंपनी नुश देखील आहे. अनुष्का अनेक चैरिटी प्रकल्पांशी देखील जोडलेली आहे.

कतरिना कैफने कॉस्मेटिक ब्रँड 'नायके' सोबत सहकार्याने के ब्युटी लाँच केली आहे. तिचा ब्रँड गेल्या पाच वर्षांपासून सुरू आहे आणि या व्यवसायात तिला खूप यश मिळत आहे.

शिल्पा शेट्टी गेल्या काही वर्षांपासून अभिनय करत नसली तरी तिने तिचे पूर्ण लक्ष व्यवसायावर केंद्रित केले आहे. ती आयपीएल संघ राजस्थान रॉयल्सची सह-मालक आहे. याशिवाय,'स्वास्थ्य' हा एक वेलनेस ब्रँड ती चालवते. एवढेच नाही तर शिल्पा शेट्टी अ‍ॅप नावाच्या फिटनेस अ‍ॅपमध्ये गुंतवणूक केली आहे.

आलिया भट्ट चित्रपटांसोबतच व्यवसायाठी सक्रीय आहे. तिचा स्वतःचा 'अ‍ॅड-अ-मामा' हा लहान मुलांच्या कपड्यांचा ब्रँड आहे. याशिवाय, तिचा महिलांच्या कपड्यांचा ब्रँड आणि हँडबॅगचा ब्रँड देखील आहे. आलियाची स्वतःची निर्मिती कंपनी इटरनल सनशाइन प्रॉडक्शन्स आहे. या कंपनीने 'डार्लिंग्ज' (2022) आणि 'पोचर' (2023) आणि 'जिग्रा' (2024) सारखे चित्रपट बनवले आहेत.

मलायका अरोरा फिटनेस फ्रिक आहे. ती स्वतःची जिम चालवते. याशिवाय, अलीकडेच तिने तिच्या मुलासोबत मुंबईत 'स्कार्लेट हाऊस' नावाचे एक रेस्टॉरंट देखील उघडले आहे.