Sangli News: शिराळामध्ये 2 हजारांच्या 13 नोटा बनावट आढळल्या; एका महिलेला अटक

Snagli News: RBI ने लोकांना 2000 च्या नोटा बदलण्यासाठी 4 महिन्यांची मुदत दिली आहे.

Sangli News

सांगली जिल्ह्यातील शिराळा शहरात दोन हजार रुपयांच्या तब्बल 13 बनावट नोटा आढळल्या आहेत.

यामुळे सांगलीतील शिराळा शहरात एकच खळबळ उडाली आहे.

शिराळा शहरातील आयसीआयसीआय बँकेत एक महिला दोन हजार रुपयांच्या नोटा जमा करण्यासाठी गेली होती.

त्यावेळी महिलेने जमा केलेल्या नोटांमध्ये तब्बल 13 बनावट नोटा आढळून आल्या.

बँकेच्या अधिकार्‍यांनी त्याची खात्री करून याबाबत पोलिसात तक्रार दिली.

त्यानुसार शिराळा पोलिसांनी संबंधित महिलेला अटक केली आहे.

तिच्याकडे दोन हजार रुपयांच्या 13 बनावट नोटा कोठून आल्या, याबाबत शिराळा पोलिस अधिक तपास करीत आहेत.

19 मे 2023 रोजी रिझर्व्ह बँक ऑफ इंडियाकडून 2000 रुपयांच्या नोटा चलनातून बंद करण्यात येणार आहेत.

2 हजार रुपयांच्या नोटा चलनातून मागे घेण्यात आल्या आहेत.

RBI ने लोकांना 2000 च्या नोटा बदलण्यासाठी 4 महिन्यांची मुदत दिली आहे.