भारतीय नौदलाच्या गौरवशाली इतिहासाची साक्ष देणारी आईएनएस गुलदार!

भारतीय नौदलाच्या गौरवशाली इतिहासाची साक्ष देणारी आईएनएस गुलदार ही युद्धनौका लवकरच विजयदुर्ग बंदरात स्थिरावणार आहे.

INS Guldar

मंत्री नितेश राणे यांच्या प्रयत्नांतून आईएनएस गुलदार ही युद्धनौका आता विजयदुर्ग बंदरात स्थिरावणार असल्याने सिंधुदुर्गमधील पर्यटनाला मोठ्या प्रमाणात चालना मिळणार आहे.

ही नौका पाहण्यासाठी देश-विदेशातील पर्यटक विजयदुर्गला भेट देऊन या बोटीवर जात बोटीचा इतिहास उलगडला जाईल.

यामुळे स्थानिक अर्थव्यवस्थेलाही मोठा फायदा होणार आहे. नौकेचे स्थलांतर कर्नाटक येथील बंदरातून करण्यात येणार असून, पर्यटन महामंडळाने त्यासाठी निविदा प्रक्रिया सुरू केली आहे. लवकरच ही नौका विजयदुर्ग बंदरात दाखल होईल.

भारतीय नौदलाच्या लँडिंग शिप टँक (मध्यम) श्रेणीतील आईएनएस गुलदार हे जहाज, त्याच्या सामरिक क्षमतांमुळे, नौदलाचा एक महत्त्वाचा आधारस्तंभ आहे.

महत्त्वाची वैशिष्ट्ये: नौदलात समावेश - 30 डिसेंबर 1985 विस्थापन - 1200 टन लांबी - 81 मीटर रुंदी - 10 मीटर सक्षम अधिकारी व कर्मचारी - 6 अधिकारी आणि 85 खलाशी

वाहन क्षमता: चिलखती कर्मचारी वाहक, रणगाडे (टँक), स्वयं-चालित तोफा, ट्रक, 150 पेक्षा अधिक सैन्य, सामरिक सामर्थ्य आणि संरक्षण