Travel : गंगटोक...दार्जिलिंग..कालिम्पोंगचे अप्रतिम सौंदर्य पाहा.. भारतीय रेल्वेकडून जूनमध्ये नॉर्थ ईस्टला फिरण्याची संधी! 

Travel : IRCTC ने नुकतेच टूर पॅकेज लाँच केले आहे. ज्यामध्ये तुम्हाला नॉर्थ ईस्टला भेट देण्याची संधी मिळेल. पॅकेजशी संबंधित महत्त्वाची माहिती जाणून घ्या.

Travel lifestyle marathi news See amazing beauty of Sikkim Meghalaya Arunachal Pradesh

Travel : रोज तेच दैनंदिन जीवन.. रोज ऑफिस... कामाचा ताण...बदलती जीवनशैली..शहराचे ट्राफीक आणि बरंच काही. यामुळे व्यक्तीला स्व:ताचा असा वेळ मिळत नाही. आणि त्यात काळात दुष्काळ म्हणायचं झालं तर त्यात भरीला भर म्हणजे उन्हाळ्यातील वाढते तापमान, यासर्व गोष्टींमुळे माणूस अगदी मेटाकुटीला आलाय, त्यामुळे या सर्वांपासून दूर कुठे तरी सुखद गारवा मिळेल, किंवा दोन क्षण निवांत मिळतील याच्या शोधात विविध ठिकाणी प्रवासाच्या शोधात फिरतो. तर आज आम्ही तुमच्यासाठी भारतीय रेल्वेच्या अशा टूर पॅकेजबद्दल माहिती देणार आहोत. ज्याच्या माध्यामातून तुम्ही जूनमध्ये नॉर्थ ईस्ट म्हणजेच ईशान्येकडील सुंदर पर्यटन स्थळं फिरू शकता, जाणून घ्या सविस्तर..

 

IRCTC ने नुकतेच टूर पॅकेज लाँच केले आहे

कडक उन्हापासून आराम मिळवण्यासाठी तुम्ही थंड आणि सुंदर ठिकाणी जाण्याचा विचार करत असाल, तर पर्यटनासाठी भारतातील ईशान्य अतिशय योग्य ठिकाण आहे. येथे अनेक ठिकाणे आहेत, जी तुमचा प्रवास संस्मरणीय बनवतील. जूनमध्ये मुलांना सुट्ट्याही असतात, त्यामुळे तुम्ही येथे कौटुंबिक सहलीचे नियोजनही करू शकता. IRCTC ने नुकतेच टूर पॅकेज लाँच केले आहे. ज्यामध्ये तुम्हाला नॉर्थ ईस्टला भेट देण्याची संधी मिळेल. पॅकेजशी संबंधित महत्त्वाचे तपशील येथे जाणून घ्या.

 

पॅकेजचे नाव- स्प्लेंडर्स ऑफ नॉर्थ ईस्ट एक्स बेंगलुरु
पॅकेज कालावधी- 6 रात्री आणि 7 दिवस
प्रवास मोड- फ्लाइट
कव्हर केलेले डेस्टिनेशन- दार्जिलिंग, गंगटोक, कालिम्पाँग
तुम्ही कधी प्रवास करू शकाल – 10 जून 2024

 

Discover North East's Beauty from #Bengaluru!

Destinations: Kalimpong, #Gangtok, #Darjeeling
Departure Date: June 10th, 2024
Price: Starting from ₹48,260/- per person*

Embark on a mesmerizing 6 Nights/7 Days journey through the splendors of Kalimpong, Gangtok, and Darjeeling.… pic.twitter.com/RdWYibAGIn

— IRCTC (@IRCTCofficial) May 22, 2024

 

पॅकेज अंतर्गत या सुविधा उपलब्ध मिळणार

तुम्हाला राउंड ट्रिप फ्लाइटसाठी इकॉनॉमी क्लासची तिकिटे मिळतील.

राहण्यासाठी हॉटेल सुविधा उपलब्ध असतील.

या टूर पॅकेजमध्ये नाश्ता आणि रात्रीचे जेवण उपलब्ध असेल.

प्रवास विमा देखील पॅकेजमध्ये समाविष्ट आहे.

 

या प्रवासासाठी इतके शुल्क आकारले जाईल

या ट्रिपमध्ये तुम्ही एकट्याने प्रवास केल्यास तुम्हाला 61,540 रुपये मोजावे लागतील.

तर दोन लोकांना प्रति व्यक्ती 49,620 रुपये मोजावे लागतील.

तीन लोकांना प्रति व्यक्ती 48,260 रुपये शुल्क भरावे लागेल.

मुलांसाठी वेगळी फी भरावी लागेल. बेडसाठी (5-11 वर्षे) तुम्हाला 42,010 रुपये द्यावे लागतील आणि बेडशिवाय तुम्हाला 33,480 रुपये द्यावे लागतील.

IRCTC ने ट्विट करून माहिती दिली

IRCTC ने या टूर पॅकेजची माहिती देणारे ट्विट शेअर केले आहे. ज्यामध्ये असे म्हटले आहे की जर तुम्हाला ईशान्येचे सुंदर नजारे बघायचे असतील तर तुम्ही IRCTC च्या या अप्रतिम टूर पॅकेजचा लाभ घेऊ शकता.

 

तुम्ही असे बुक करू शकता

तुम्ही या टूर पॅकेजसाठी IRCTC च्या अधिकृत वेबसाइटवरून बुक करू शकता. याशिवाय, IRCTC पर्यटक सुविधा केंद्र, क्षेत्रीय कार्यालये आणि प्रादेशिक कार्यालयांमधूनही बुकिंग करता येते. पॅकेजशी संबंधित अधिक माहितीसाठी, तुम्ही IRCTC अधिकृत वेबसाइटला भेट देऊ शकता.

 

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )