Child Health : पालकांनो सावधान! तुमच्या मुलांना Myopia तर नाही ना? एका अभ्यासातून समोर, लक्षणं जाणून घ्या

Child Health : एका अभ्यासानुसार, मायोपियाची रुग्णसंख्या वाढण्यामागील कारण जास्त स्क्रीन वेळ आहे. कोविड-19 नंतर मुलांमध्ये मायोपियाच्या घटनांमध्ये लक्षणीय वाढ झाली आहे.

Child Health lifestyle marathi news Parents beware Dont your kids have Myopia

Source : Google

Child Health : अलीकडेच एका अभ्यासातून धक्कादायक बाब समोर आली आहे. त्यात असं म्हटलंय की, कोविड-19 साथीच्या (Covid-19) आजारानंतर मुलांमध्ये मायोपियाच्या (Myopia) घटनांमध्ये लक्षणीय वाढ झाली आहे. आता दर तीन मुलांपैकी एक मायोपियाचा बळी आहे. मायोपिया, ज्यामध्ये दूरच्या वस्तू पाहण्यात अडचण येते. असा अंदाज आहे की 2050 पर्यंत लहान मुलांमध्ये मायोपियाची संख्या 74 कोटींपर्यंत पोहोचू शकते. आज आपण मायोपियाची कारणे आणि मायोपिया टाळण्यासाठी टिप्स जाणून घेऊ.

 

मुलांमध्ये मायोपिया वाढण्याचे कारण काय आहे?

अभ्यासानुसार, मायोपियाची रुग्णसंख्या वाढण्यामागील कारण जास्त स्क्रीन वेळ आहे. कोविड-19 महामारीच्या काळात लागू करण्यात आलेल्या लॉकडाऊनमध्ये बाहेर पडण्याचा पर्याय नव्हता. त्यामुळे मुलांच्या शिक्षणापासून ते मनोरंजनापर्यंत सर्व काही मोबाईल फोन किंवा कॉम्प्युटरच्या माध्यमातून घडले. लॉकडाऊननंतरही मुलं त्यांचा बहुतांश वेळ फोन किंवा कॉम्प्युटरसमोर घालवतात. त्यामुळे त्याचा स्क्रीन टाईम खूपच वाढला आहे.

 

अनुवांशिकता - जर पालकांपैकी एकाला किंवा दोघांनाही मायोपिया असेल तर त्यांच्या मुलांनाही हा आजार होण्याची शक्यता असते.

मैदानी खेळांचा अभाव - बाहेर खेळणे आणि सूर्यप्रकाशात राहणे यामुळे डोळ्यांना विश्रांती मिळते आणि मायोपियाचा धोका कमी होतो. पण त्याच्या कमतरतेमुळे डोळ्यांना नुकसान होते.

कमी प्रकाशात वाचणे- कमी प्रकाशात फोन पाहणे किंवा वापरणे यामुळे डोळ्यांवर अधिक ताण येतो, ज्यामुळे मायोपिया होऊ शकतो.

 

मायोपिया टाळण्याचे मार्ग

मायोपिया पूर्णपणे रोखणे कठीण होऊ शकते, विशेषतः जर त्याचा कौटुंबिक इतिहास असेल. काही उपायांचा अवलंब करून त्याचा प्रभाव कमी केला जाऊ शकतो, जसे की-

मैदानी खेळांना प्रोत्साहन द्या- मुलांना दररोज किमान 2-3 तास बाहेर खेळण्यास प्रोत्साहित करा.

मर्यादित स्क्रीन वेळ - संगणक, टॅब्लेट आणि स्मार्टफोन दररोज 2 तासांपेक्षा जास्त वापरु नये.

डोळ्यांना विश्रांती देणे - डोळ्यांना नियमित विश्रांती देण्यासाठी 20-20-20 नियम पाळा. याचा अर्थ, स्क्रीन टाइमच्या प्रत्येक 20 मिनिटांनंतर, 20 सेकंदांसाठी 20 फूट दूर काहीतरी पहा.

योग्य प्रकाशात वाचन - अभ्यास करताना मुलांच्या खोलीतील प्रकाश योग्य असल्याची खात्री करा आणि त्यांना अंधारात फोन वापरू देऊ नका.

नियमित डोळ्यांची तपासणी - मुलांचे डोळे नियमितपणे तपासणे महत्त्वाचे आहे, जेणेकरून मायोपियाची सुरुवातीची लक्षणे शोधून त्यावर योग्य उपचार करता येतील.

पोषणाकडे लक्ष द्या - मुलाच्या आहारात व्हिटॅमिन ए, डी, ई आणि ओमेगा-3 फॅटी ऍसिड भरपूर असावे.

डोळ्यांचे व्यायाम करणे - डोळ्यांचे काही व्यायाम देखील मायोपिया टाळण्यास मदत करू शकतात. यामध्ये डोळे फिरवणे, डोळे बंद करणे, आराम करणे, दूरच्या वस्तूंवर लक्ष केंद्रित करणे यांचा समावेश असू शकतो.

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )