Laxman Hake Family EXCLUSIVE : लक्ष्मण हाकेंचे हाल पाहून आईच्या अश्रूंचा बांध फुटला

Laxman Hake Family EXCLUSIVE : लक्ष्मण हाकेंचे हाल पाहून आईच्या अश्रूंचा बांध फुटला
जालना: मराठा आरक्षण (Maratha Reservation) देताना आपण ओबीसींच्या आरक्षणाला कोणताही धक्का लागू देणार नाही असं आश्वासन देत शुक्रवारी दोन मंत्र्यांचे शिष्टमंडळ उपोषणकर्ते लक्ष्मण हाके (Laxman Hake Protest) यांच्या भेटीला येणार असल्याचं आश्वासन मुख्यमंत्री एकनाथ शिंदे (Eknath Shinde) यांनी दिलं. गेल्या सहा दिवसांपासून लक्ष्मण हाके हे उपोषणाला बसले असून त्यांच्या भेटीला राज्याचे विरोधी पक्षनेते विजय वडेट्टीवार गेले असता मुख्यमंत्र्यांनी त्यांना हे आश्वासन दिलं. 

ओबीसी आरक्षणाला कोणताही धक्का लागू नये या मागणीसाठी जालना जिल्ह्यातील वडीगोद्री येथे गेल्या सहा दिवसांपासून लक्ष्मण हाके आणि नवनाथ वाघमारे हे उपोषण करत आहेत. त्यांच्या भेटीला राज्याचे विरोधी पक्षनेते विजय वडेट्टीवार गेले होते त्यावेळी त्यांनी मुख्यमंत्र्यांना फोन लावून त्या ठिकाणच्या परिस्थितीची जाणिव करून दिली. त्यानंतर मुख्यमंत्र्यांनी शुक्रवारी दोन मंत्र्यांचे शिष्टमंडळ चर्चेसाठी येणार असल्याचं आश्वासन दिलं. हाके यांनी तब्येतीची काळजी घ्यावी, ओबीसी आरक्षणाला कोणताही धक्का लागणार नाही याची आपण काळजी घेतली आहे असं आश्वासनही मुख्यमंत्र्यांनी दिलं. तुम्ही आश्वासन द्या, तुमचेच मंत्री गिरीश महाजन म्हणालेत सगेसोयऱ्यांचा विषय न्यायालयात टिकणार नाही असं विजय वडेट्टीवारांनी मुख्यमंत्र्यांकडे मागणी केली.