Champions Trophy 2025: 8 पैकी 2 संघांचे आव्हान संपुष्टात, 2 संघ उपांत्य फेरीत; चॅम्पियन्स ट्रॉफीच्या गुणतालिकेत 4 संघात चुरशीची लढाई

Champions Trophy 2025: न्यूझीलंडने चॅम्पियन्स ट्रॉफी स्पर्धेच्या उपांत्य फेरीत प्रवेश करताना बांगलादेशचा 5 विकेट्सने पराभव केला.

Champions_Trophy_2025

न्यूझीलंडने चॅम्पियन्स ट्रॉफी स्पर्धेच्या उपांत्य फेरीत प्रवेश करताना बांगलादेशचा 5 विकेट्सने पराभव केला.

न्यूझीलंडच्या या विजयासह 'अ' गटातून भारताचीही उपांत्य फेरीत आगेकूच झाली असून, बांगलादेश आणि यजमान पाकिस्तानचे स्पर्धेतील आव्हान संपुष्टात आले आहे.

न्यूझीलंड विरुद्ध बांगलादेशच्या सामन्यात बांगलादेशने प्रथम फलंदाजी करताना 50 षटकांत 9 विकेट्स गमावून 236 धावा केल्या.

पाकिस्तानला स्पर्धेतील पहिल्याच सामन्यात न्यूझीलंडविरुद्ध पराभव स्वीकारावा लागला. यानंतर, दुसऱ्या सामन्यातही भारताने त्यांना पराभूत केले. पाकिस्तान संघाच्या आशा बांगलादेशकडून होत्या, पण बांगलादेश संघ न्यूझीलंडकडून पराभूत झाला.

रावळपिंडीमध्ये न्यूझीलंडने बांगलादेशचा 5 विकेट्सने पराभव केला. यासह, पाकिस्तान आणि बांगलादेश स्पर्धेतून बाहेर पडले.

ग्रुप बी मधून 4 संघांपैकी 2 संघ उपांत्य फेरीत दाखल होईल.

ग्रुप बीमध्ये अजूनही खूप चुरशीची लढाई सुरु आहे. ऑस्ट्रेलिया आणि दक्षिण आफ्रिका यांनी त्यांचे पहिले सामने जिंकले आहेत. तथापि, अद्याप कोणीही उपांत्य फेरीत आपले स्थान निश्चित केलेले नाही.

न्यूझीलंड विरुद्ध बांगलादेशच्या सामन्यात बांगलादेशने प्रथम फलंदाजी करताना 50 षटकांत 9 विकेट्स गमावून 236 धावा केल्या.

प्रत्युत्तरात, न्यूझीलंडच्या रचिन रवींद्रच्या 112 धावांच्या शानदार शतकाच्या जोरावर न्यूझीलंडने 46.1 षटकांत लक्ष्य पूर्ण केले. रॅचिन व्यतिरिक्त टॉम लॅथमनेही अर्धशतक झळकावले. त्याने 55 धावांची खेळी खेळली.