उन्हाळा सुरू... 2 दिवसांत 4 जिल्ह्यात वाढणार तापमान; हवामान प्रादेशिक विभागाकडून खबरदारीची सूचना

राज्यात उष्णतेची लाट पसरण्यास सुरुवात झाल्याचं पाहायला मिळत असून फेब्रुवारी महिन्यातच काही जिल्ह्यात 38 अंश सेल्सियस तापमानाची नोंद झाली आहे.

summer sunstroke in 4 district with mumbai and thane

राज्यात उष्णतेची लाट पसरण्यास सुरुवात झाल्याचं पाहायला मिळत असून फेब्रुवारी महिन्यातच काही जिल्ह्यात 38 अंश सेल्सियस तापमानाची नोंद झाली आहे.

मार्च महिना मध्यावर आला की उन्हाळ्याची चाहुल लागते, होळी सणात थंडी जळून जाते अन् उन्हाळा (Summer) सुरू होतो असे जुने-जाणते सांगत असतात. मात्र, अलिकडे तिन्ही ऋतूंमध्ये बदल झाल्याचं पाहायला मिळते. त्यामुळे, यंदाचा उन्हाळा काहीसा लवकरच सुरू झाला आहे.

महाराष्ट्रातील अनेक जिल्ह्यात तापमानाने फेब्रुवारी महिन्यातच पस्तीशी ओलांडली असून सोलापूर व नागपूरमध्ये तापमान 38 अंश सेल्सियसपर्यंत पोहोचलं आहे. त्याच, हवामान विभागाने पुढील दोन दिवसांत उष्णतेची लाट येणार असल्याचे म्हटलं आहे.

पुढील दोन दिवस मुंबई, ठाणे, रायगड आणि रत्नागिरी या 4 जिल्ह्यात उष्णतेच्या लाटेचा इशारा मुंबई प्रादेशिक हवामान केंद्राकडून देण्यात आला आहे. त्यामुळे, नागरिकांनी कडक उन्हापासून स्वत:चा बचाव करण्यासाठीचे साहित्य वापरले पाहिजे.

मुंबई आणि ठाण्यातील आजचं तापमान जवळपास 38 अशांच्या पार गलं असून कमाल तापमान सरासरीपेक्षा 5-6 अंश सेल्सिअस अधिक राहण्याचा अंदाज आहे. त्यामुळे, तापमानाचा अंदाज घेऊनच घराबाहेर पडायला हवं.

दरम्यान, 26 फेब्रुवारी रोजी पालघरमध्ये देखील उष्णतेच्या लाटेचा अंदाज वर्तवण्यात आला आहे. तसेच, सिंधुदुर्गात देखील तापमान सरासरीपेक्षा अधिक राहण्याची शक्यता आहे. त्यामुळे, उन्हाळा सुरुच झाला असल्याचे दिसून येते.

दरम्यान, आज सांगली जिल्ह्यात एका बर्फगोळा विक्रेत्याचा कडक उन्हामुळे उलट्या होऊन मृत्यू झाल्याची घटना उघडकीस आली आहे. त्यामुळे, उन्हाळ्यापूर्वीत ती व्यक्ती उष्माघाताचा पहिला बळी ठरली.