Chhatrapati Sambhajinagar: विधानसभेपूर्वी भाजपला रामराम ठोकत शिवबंधन बांधलं, मोजून 5 महिन्यांनी दिनेश परदेशी पुन्हा भाजपच्या दिशेने

विधानसभेपूर्वी भाजपचे बडे केंद्रीय गृहमंत्री अमित शहा महाराष्ट्रात असतानाच पक्षाचे सरचिटणीस डॉ दिनेश परदेशींनी भाजपला सोडचिठ्ठी देत उद्धव ठाकरेंच्या शिवसेनेत 25 सप्टेंबर 2024 रोजी प्रवेश केला होता.

Dinesh Pardeshi

Source : ABPLIVE AI

Chhatrapati Sambhajinagar: विधानसभा निवडणुकांच्या महिनाभरआधी भारतीय जनता पक्षातून उद्धव ठाकरेंचे शिवबंधन बांधणारे दिनेश परदेशी आता उद्धव सेनेला रामराम ठोकत पुन्हा घरवापसी करणार आहेत. एकेकाळी शिवसेनेचा बालेकिल्ला असणाऱ्या छत्रपती संभाजीनगरमध्ये उद्धव ठाकरेंना (Uddhav Thackeray) मोठा धक्का बसणार आहे. छत्रपती संभाजीनगरच्या वैजापूर मतदारसंघांसाठी लढलेल्या दिनेश परदेशींनी पुन्हा भाजपमध्ये जाण्याचं ठरवलं असून मोजून 5 महिन्यांनी ते आज (25फेब्रुवारी) भाजपात प्रवेश करणार आहेत. दिनेश परदेशी यांच्या प्रवेशासाठी कार्यकर्ते भल्या पहाटे वैजापूरहून मुंबईच्या दिशेने निघाले आहेत. (Dinesh Pardeshi)

राज्यात विधानसभेनंतर सर्व राजकीय गणिते बदलली आहेत. लोकसभेत झालेल्या पराभवानंतर  महाराष्ट्रात महाविकास आघाडीचेच सरकार येणार अशी अटकळ बांधली जात होती. राज्यातील बहुतांश कल त्याबाजूनेच असल्याचे पहायला मिळाले.मात्र, मोठ्या संख्येने महायुतीच्या जागा राज्यात आल्याने महाविकास आघाडीला तोंडघशी पडावे लागले. दरम्यान, निवडणूकीपूर्वी भाजपला सोडचिठ्ठी देत उद्धव ठाकरेंचं शिवबंधन बांधणारे दिनेश परदेशी आता पुन्हा भाजप प्रवेश करणार आहेत. (BJP)

छत्रपती संभाजीनगरमध्ये उद्धव ठाकरेंना मोठा धक्का 

विधानसभेपूर्वी भाजपचे बडे केंद्रीय गृहमंत्री अमित शहा महाराष्ट्रात असतानाच पक्षाचे सरचिटणीस डॉ दिनेश परदेशींनी भाजपला सोडचिठ्ठी देत उद्धव ठाकरेंच्या शिवसेनेत 25 सप्टेंबर 2024 रोजी प्रवेश केला होता. आता मोजून पाच महिन्यांनी म्हणजे 25 फेब्रुवारी 2025 ला ते भाजपात प्रवेश करणार आहेत. या प्रवेश सोहळ्याच्या अनुषंगाने मंगळवार पहाटेच डॉ दिनेश परदेशींचे कार्यकर्ते मुंबईच्या दिशेने रवाना झाले आहेत.   

कोण आहेत दिनेश परदेशी?

2001 पासून ते जवळपास आतापर्यंत वैजापूर नगरपालिकेवर डॉ.परदेशींची एकहाती सत्ता राहिलीय. परदेशींनी काँग्रेसकडून यापूर्वी दोनदा विधानसभा लढवली आहे. या दोन्हीही निवडणुकीत परदेशींना अगदी थोडक्या मताने पराभवाच्या छायेत राहावे लागले आहे.तसेच शिंदेचे विद्यमान आमदार बोरनारे यांना आव्हान उभे करणाऱ्या उमेदवारांची यादीत दिनेश परदेशींचे नाव घेतले जाते.

राजकीय प्रवास

1)1996 -2001 : पासून नगर परिषद, वैजापूर निवडणूक लढवून उपाध्यक्षपदी पाच वर्ष निवड भारतीय जनता पार्टी

2) 2001 - 2006 :- पासून जनतेतून निवडणूक लढवून नगराध्यक्षपदी पाच वर्ष निवड नगर परिषद, वैजापूर

3) 2006 - 2011 :- पासून नगर परिषद निवडणूक लढवून नगराध्यक्ष पदी पाच वर्ष निवड.

4) 2011 - 2016 :- पासून नगर परिषद वैजापूर निवडणूक, दिनेश परदेशी यांच्या पत्नी  शिल्पा परदेशी यांची पाच वर्षांसाठी नगराध्यक्षा पदी निवड 

5) 2017 - पासून जनतेमधून दिनेश परदेशी यांच्या पत्नी  शिल्पा परदेशी यांची पाच वर्षांसाठी नगराध्यक्षा पदी निवड

6) 2009 - वैजापूर विधानसभा निवडणूक काँग्रेस पक्षाकडून लढविली 41227 मते मिळाली.

7) 2014  मध्ये दिनेश परदेशी यांनी काँग्रेस कडून पुन्हा विधानसभा निवडणूक लढवली त्यावेळी त्यांना  45346 मतं मिळाली पण त्यांचा पराभव झाला.  त्या निवडणुकीत शिवसनेच्या आर.एम. वाणी यांना 47405 मतं मिळाली होती. राष्ट्रवादीचे भाऊसाहेब चिकटगांवकर 52114 मतं मिळवत विजयी झाले होते. भाजपचे एकनाथ जाधव 24249 मतं मिळवत पराभूत झाले होते.  

8) 2018 पासून भारतीय जनता पार्टी संभाजीनगर लोकसभा सह संयोजक पदाची जबाबदारी

9) 1997 ते 2000 मध्ये  भारतीय जनता युवा मोर्चा तालुका अध्यक्ष

10) 2018 - पासून जिल्हा सरचिटणीस भारतीय जनता पार्टी संभाजीनगर

11) 2019 - पासून संचालक जिल्हा मध्यवर्ती सहकारी बँक औरंगाबाद जिल्ह्यात सार्वधिक मतांनी विजयी 

 

हेही वाचा: