नाशिक : तुरुंगवासानंतर ढोल-ताशांच्या गजरात छगन भुजबळांचं स्वागत

राष्ट्रवादी काँग्रेसचे नेते छगन भुजबळ आपलं होमग्राऊंड अर्थात नाशकात दाखल झाले. कार्यकर्त्यांच्या मोठ्या गराड्यात, ढोल-ताशांच्या गजरात आणि फुलांच्या माळा घालत जंगी स्वागत करण्यात आलं. तुरुंगातून बाहेर आल्यानंतर भुजबळ पहिल्यांदाच नाशिक दौऱ्यावर आहेत. नाशिकच्या राष्ट्रवादी भवनावरही कार्यकर्त्यांनी नवचैतन्याची गुढी उभारली आहे. भुजबळ आपल्या येवला मतदारसंघातील लोकांच्या भेटीगाठी घेतील.