(Source: ECI | ABP NEWS)
Ready Reckoner Rate : घरांचे भाव वाढणार, रेडी रेकनर दरात 4.39 टक्क्यांची वाढ, कोणत्या जिल्ह्यात रिअल इस्टेटचे भाव उसळी घेणार?
Ready Reckoner Rate : राज्यातील रेडी रेकनरच्या दरात सरासरी 4.39 टक्क्यांनी वाढ करण्यात आली आहे. त्यामुळे राज्यात घर आणि मालमत्ता खरेदी करणं आणखी महागणार आहे.
Ready Reckoner Rate : राज्यातील रेडी रेकनरच्या दरात सरासरी 4.39 टक्क्यांनी वाढ करण्यात आली आहे. त्यामुळे राज्यात घर आणि मालमत्ता खरेदी करणं आणखी महागणार आहे. गेली तीन वर्षे रेडी रेकनरच्या दरात राज्याच्या नोंदणी आणि मुद्रांक विभागाकडून कोणतीही वाढ करण्यात आली नव्हती. मात्र यावेळी मात्र राज्यातील सर्वच विभागांत रेडी रेकनरचे दर वाढवण्यात आले असून आजपासून म्हणजेच 1 एप्रिलपासून नवीन दरांची अंमलबजावणी करण्यात येणार आहे. शहरी भागात ही वाढ 5.95 टक्के तर ग्रामीण भागात ही वाढ 3.36 टक्के असणार आहे.
कोरोना महामारीचा मालमत्ता बाजारपेठेवर परिणाम झाल्याने राज्य सरकारने गेल्या तीन वर्षांत रेडी रेकनरच्या दराची फेररचना केली नव्हती. सध्या लाडकी बहीण योजनेमुळे राज्याच्या तिजोरीत खडखडाट आहे. त्यातच राज्य सरकारला मुद्रांक शुल्क आणि नोंदणीच्या माध्यमातून अधिक महसुलाची अपेक्षा आहे. आता रेडी रेकनरच्या दरात मोठी वाढ झाल्याने मालमत्तांचे दर वाढणार असून घर खरेदीदारांवर त्याचा अधिक बोजा पडणार आहे. मीरा-भाईंदरमध्ये 6.26 टक्के, कल्याण- डोंबिवलीत 5.84 टक्के, नवी मुंबईत 6.75 टक्के, पुण्यात 4,16 टक्के, नाशिकमध्ये 7, 31 टक्के अशी वाढ जाहीर करण्यात आली आहे.
राज्यातील प्रमुख शहरांतील रेडी रेकनरचे दर पुढीलप्रमाणे
पुणे - 4.16
पिंपरी चिंचवड - 6.69
ठाणे- 7.72
मीरा भाईंदर -6.26
कल्याण - डोंबिवली - 5.84
नवी मुंबई -6.75
उल्हासनगर - 9
वसई - विरार - 4.50
पनवेल - 4.97
सांगली - मीरज - कुपवाड - 5.70
कोल्हापुर - 5.1
इचलकरंजी - 4.46
सोलापुर -10.17
नाशिक - 7.31
संभाजी नगर - 3.53
नागपुर -4.23
अहिल्यानगर - 4.41
धुळे - 5.7
मालेगाव -4.88
नागपूर एन एम आर डी ए - 6.60
अमरावती - 8.3
अकोला - 7.39
लातुर -4.1
परभणी - 3.71
अशी आहे एकूण दरवाढ
राज्याची सरासरी वाढ - 4.39 टक्के (मुंबई वगळता)
महापालिका क्षेत्र - 5.95 टक्के (मंबई वगळता)
मुंबई महापालिका क्षेत्र सरासरी वाढ - 3.39 टक्के
संपूर्ण राज्याची एकूण वाढ -3.89 टक्के
ग्रामीण क्षेत्र - 3.36 टक्के
प्रभाव क्षेत्र - 3.29 टक्के
नगरपरिषद/पंचायत क्षेत्र - 4.97 टक्के
वैशिष्ट्ये पुढीलप्रमाणे
सदनिकांचे दर महापालिका क्षेत्राकरिता जमीन दर अधिक बांधकाम दर यांपेक्षा कमी असल्यास ते किमान जमीन दर अधिक बांधकाम दर याप्रमाणे ठेवण्यात आले आहेत. प्रभाव क्षेत्र आणि ग्रामीण क्षेत्रात सदनिकांचे दर किमान बांधकामाएवढे येत नसल्यास, ते किमान बांधकाम दराइतके ठेवण्यात आले आहेत. चुकीचे मूल्यांकन असलेले झोन बदलण्यात आले असून, त्यांचे मूल्यांकन आता बाजारभावाशी करण्यात आले आहे. सर्वेक्षण क्रमांक किंवा गट क्रमांक याप्रमाणे बदलाची नोंद घेण्यात आली आहे.
आणखी वाचा
महत्त्वाच्या बातम्या
