अमिताभ यांचा वारसा शाहरुख, ऐश्वर्या पुढे नेणार? KBC होस्टच्या नावाला लोकांनी दोघांना निवडलं; सर्वेक्षणात नेमकं काय समोर आलं?

गेल्या अनेक वर्षांपासून अमिताभ बच्चन हे कौन बनेगा करोडपती हा शो होस्ट करत आहेत. आता मात्र लवकरच ते या जबाबदारीतून मुक्त होणार असल्याचे म्हटले जात आहे.

shah rukh khan and aishwarya rai and amitabh bachchan

Kaun Banega Crorepati Next Host: बॉलिवूडचे बिग बी म्हणून ओळख असलेले दिग्गज अभिनेते अमिताभ बच्चन यांच्या वेगळ्या ओळखीची आज गरज नाही. त्यांचे काही चित्रपट आजही तेवढेच लोकप्रिय आहेत. त्यांच्या चित्रपटातील अनेक गाणे आजही मोठ्या उत्साहात ऐकले जातात. अमिताभ बच्चन फक्त सिनेसृष्टीतच अग्रेसर आहेत, असे नाही.

तर त्यांनी टीव्ही इंडस्ट्रीतही स्वत:चं वेगळं स्थान निर्माण केलेलं आहे. गेल्या कित्येक वर्षांपासून ते 'कौन बनेगा करोडपती' हा शो होस्ट करतात. दरम्यान, वाढत्या वयामुळे ते आता या शो होस्टिंगच्या जबाबदारीतून मुक्त होऊ इच्छित आहेत. त्यामुळेच हा शो होस्ट करण्यासाठी नव्या चेहर्‍याचा शोध घेतला जात आहे, असे म्हटले जातेय.

अमिताभ बच्चन हे 2000 सालापासून कौन बनेगा करोडपती हा शो होस्ट करतात. आता मात्र त्यांना या जबाबदारीतून मुक्त व्हायचे आहे. त्यामुळेच अमिताभ बच्चन हा शो होस्ट करणार नसतील, तर मग त्यांची जागा कोण घेणार? असा प्रश्न उपस्थित केला जातोय. मनी कंट्रोल या संकेतस्थळावरील माहितीनुसार वयोमान लक्षात घेता अमिताभ बच्चन त्यांच्यावर असलेला कामाचा ताण कमी करण्याच्या प्रयत्नात आहेत.

त्याचाच एक भाग म्हणून ते कौन बनेगा करोडपती या शोमधून एक्झिट घेण्याची शक्यता आहे. याआधीच अमिताभ बच्चन यांनी सोनी टीव्हीला केबीसीचे 15 वे सिझन माझे शेवटचे असेल, असे सांगितले होते. मात्र अमिताभ बच्चन यांची जागा घेऊ शकणारा दुसरी कोणतीही व्यक्ती न सापडल्यामुळे कौन बनेगा करोडपती या कार्यक्रमाचे 16 वे सिझनदेखील अमिताभ बच्चन होस्ट करताना दिसत आहेत.

इंडियन इंस्टीट्यूट ऑफ ह्यूमन ब्रँड्स (IIHB) तसेच आणखी एका अॅड एजन्सीने नुकतेच एक सर्वेक्शन केले होते. यात एकूण 768 लोकांची मतं जाणून घेण्यात आली. यात 408 पुरुष आणि 360 महिला होत्या. या सर्वेक्षणात लोकांनी केबीसीचा आगामी होस्ट म्हणून शाहरुख खानच्या नावाला पसंती दिली आहे.

विशेष म्हणजे शाहरुख खानने कौन बनेगा करोडपती या शोच्या तिसऱ्या सिझनमध्ये सूत्रसंचालनाची जबाबदारी पार पाडलेली आहे. शाहरुख खानसोबतच अभिनेत्री ऐश्वर्या रायलादेखील लोकांनी केबीसीची आगामी होस्ट म्हणून पसंती दिली आहे.

दरम्यान, केबीसीच्या आगामी होस्टचा शोध घेण्यास सुरुवात झाली आहे. हा शो भविष्यात नेमका कोण होस्ट करणार? हे अद्याप समोर आलेले नाही किंवा सोनी टीव्हीने याबाबत कोणतीही अधिकृत घोषणाही केलेली नाही.