अकोला : राजपत्रित अधिकारी दोन दिवसांच्या सामूहिक रजेवर

नियमबाह्य निविदा मंजूर करण्यासाठी अकोल्याचे पालकमंत्री रणजीत पाटील यांनी दबाव टाकल्यानंतर आता हे प्रकरण गंभीर होत आहे. रणजित पाटलांच्या दबावामुळे अकोला जिल्हा परिषदेचे अतिरिक्त मुख्य कार्यकारी अधिकारी सुभाष पवार यांनी राजीनामास्त्र काढलंय. त्यांच्या समर्थनात अकोला जिल्ह्यातील ग्रामविकास खात्याचे राजपत्रित अधिकारी दोन दिवसांच्या सामूहिक रजेवर गेले आहेत. यामध्ये जिल्हा परिषद उपमुख्य कार्यकारी अधिकारी, विविध विभागांचे विभाग प्रमुख आणि सात गटविकास अधिकाऱ्यांचा समावेश आहे. नियमबाह्य कामं करण्यासाठी रणजीत पाटील दबाव टाकतात. कामं केली नाही तर खोट्या केसेसमध्ये अडकवण्याची धमकी दिली जात असल्याचा आरोप सुभाष पवार यांनी केला आहे.