एक्स्प्लोर

Paris Paralympic 2024 : पॅरिस पॅरालिम्पिकमध्ये भारताने रचला इतिहास, 'इतकी' पदकं जिंकली अन् संपवली मोहीम

Paris Paralympics 2024 : ऐतिहासिक कामगिरीसह पॅरिस पॅरालिम्पिक-2024 मध्ये भारताने आपला प्रवास संपवला आहे.

By : किरण महानवर | Updated at : 08 Sep 2024 05:43 PM (IST)

Paralympics India historic campaign ends with a record of 29 medals in Paris marathi news Paris Paralympic 2024 : पॅरिस पॅरालिम्पिकमध्ये भारताने रचला इतिहास, 'इतकी' पदकं जिंकली अन् संपवली मोहीम

Paris Paralympics 2024 India 29 Medals

Source : ABP

Paris Paralympics 2024 India 29 Medals : ऐतिहासिक कामगिरीसह पॅरिस पॅरालिम्पिक-2024 मध्ये भारताने आपला प्रवास संपवला आहे. पॅरिस पॅरालिम्पिकमध्ये भारताने सर्वाधिक पदके जिंकण्याचा विक्रम केला आहे. भारताने एकूण 29 पदके जिंकली, ज्यात 7 सुवर्ण, 9 रौप्य आणि 13 कांस्य पदकांचा समावेश आहे. याआधी टोकियो पॅरालिम्पिकमध्ये भारताने सर्वाधिक 19 पदके जिंकण्याचा विक्रम केला होता, जो पॅरिसमधील पॅरा भारतीय खेळाडूंनी मोठ्या मोडला.

पॅरालिम्पिकच्या मागील दोन आवृत्त्यांमध्ये भारताने एकूण 48 पदके जिंकली आहेत. तर मागील 11 आवृत्त्यांमध्ये भारताने केवळ 12 पदके जिंकली होती. गेल्या दोन आवृत्त्यांमधून खूप सुधारणा आणि बदल झाल्याचे स्पष्टपणे दिसून येत आहे.

पॅरिसपूर्वी, 54 भारतीय खेळाडूंनी टोकियो पॅरालिम्पिकमध्ये भाग घेतला होता, जो त्यावेळी सर्वात मोठा संघ होता. त्यानंतर पॅरिस पॅरालिम्पिकमध्ये ही भारतीय तुकडी मोठी झाली. पॅरिसमध्ये एकूण 84 पॅरा भारतीय खेळाडूंनी भाग घेतला आणि एकाच आवृत्तीत सर्वाधिक पदके जिंकण्याचा विक्रम करून इतिहास रचला.

टोकियो पॅरालिम्पिकपूर्वी भारताने केवळ 4 सुवर्णपदके जिंकली होती. आता फक्त पॅरिस पॅरालिम्पिकमध्ये भारताने 7 सुवर्ण जिंकले आहेत आणि याआधी टोकियोमध्ये भारताच्या खात्यात 5 सुवर्ण जिंकले होते.