ZIM vs PAK : झिम्बॉब्वेनं पाकिस्तानला लोळवलं, अखेरच्या टी 20 सामन्यात पलटवार अन् शेवट गोड केला

PAK vs ZIM : झिम्बॉब्वेनं पाकिस्तानला तिसऱ्या टी 20 मॅचमध्ये दोन विकेटनं पराभूत केलं. पाकिस्तानला अखेरच्या टी 20 मध्ये झिम्बॉब्वेनं धक्का दिला.

झिम्बॉब्वेनं पाकिस्तानला लोळवलं

झिम्बॉब्वेनं तिसऱ्या टी 20 सामन्यात पाकिस्तानला 2 विकेटनं पराभूत केलं आहे. झिम्बॉब्वेनं पाकिस्तानला गेल्या काही दिवसांमध्ये दुसऱ्यांदा पराभूत केलं. झिम्बॉब्वेनं पाकिस्तानला एकदिवसीय सामन्यात 80 धावांनी पराभूत केलं होतं.

पाकिस्ताननं तीन सामन्यांची मालिका 2-1 अशी जिंकली मात्र त्यांना तिसऱ्या टी 20 मध्ये पराभव स्वीकारावा लागला. पाकिस्ताननं पहिल्यांदा फलंदाजी करताना 20 ओव्हरमध्ये 7 विकेटवर 132 धावा केल्या.

झिम्बॉब्वेनं या धावसंख्येचा पाठलाग करताना चांगली सुरुवात केली होती. ब्रायन बेनेट आणि तदिवानाशे मरुमानी या दोघांनी 40 धावांची भागिदारी केली.

मरुमानीनं 6 बॉलमध्ये 15, ब्रायननं 35 बॉलमध्ये 43 धावांची खेळी केली. डियोन मायर्सनं 18 ब़लमध्ये 13 धावा केल्या. सिकंदर रजानं 20 बॉलमध्ये 19 धावा केल्या.

झिम्बॉब्वेनं दोन विकेटनं विजय मिळवला. झिम्बॉब्वेनं एकदिवसीय सामन्यानंतर टी 20 मध्येही पाकिस्तानला पराभवाचा धक्का दिला.