Rain : राज्यातील बहुतांश भागात पावसाची दडी, आज राज्यात यलो अलर्ट

राज्यातील बहुतांश ठिकाणी पावसानं (Rain) दडी मारल्याचं चित्र पाहायला मिळत आहे. काही भागातच पावसानं हजेरी लावली आहे.

maharashtra Rain

राज्यातील अनेक भागात पावसानं दडी मारली हे. त्यामुळं शेतकऱ्यांमध्ये चिंतेचं वातावरण आहे.

मुंबईसह परिसरात मात्र पावसानं जोरदार हजेरी लावली आहे. अनेक ठिकाणी सखल भागात पाणी साचलं आहे.

जुलै महिन्याचा पंढरवाडा संपला तरी म्हणावा सता पाऊस न झाल्यामुळं शेतकरी चिंतेत आहेत.

मुंबईसह उपनगर ठाणे, कोकण विदर्भातील काही जिल्ह्यात पावसानं चांगली हजेरी लावली आहे.

हवामान विभागानं दिलेल्या अंदाजानुसार, पुढचे तीन ते चार दिवस राज्यात पावसाची शक्यता आहे.

पुढील चार दिवस कोकण, मध्य महाराष्ट्र विदर्भासह उत्तर महाराष्ट्रात मुसळधार पावसाची शक्यता वर्तवण्यात आली आहे. तर मराठवाड्यासह इतर काही भागात मेघगर्जनेसह पाऊस पडण्याची शक्यता हवामान विभागानं वर्तवली आहे.

सोलापूर, सातारा, नाशिक, नंदूरबार, ठाणे आणि पालघर हे जिल्हे वगळत अन्य सर्व जिल्ह्यात आज पावसाचा यलो अलर्ट देण्यात आला आहे.

अकोला जिल्ह्यातही (Akola) चांगला पाऊस झाला. गेल्या दोन दिवसांत झालेल्या मुसळधार पावसामुळे नागरिकांचे प्रचंड हाल झालेत.

यंदा पाऊस नसल्याने मराठवाड्यात अत्यंत विदारक परिस्थिती निर्माण झाली आहे. पुर्ण जुन महिना गेला. जुलै अर्धा लोटला तरी पाऊस पडत नसल्याचे चित्र आहे.