China Taiwan : तैवानची 6 बाजूंनी नाकेबंदी, चीन लष्कराकडून जल आणि हवाई क्षेत्रात गोळीबार सुरू
China Taiwan : चीनच्या सरकारी टेलिव्हिजनने वृत्त दिले की, चीनच्या पीपल्स लिबरेशन आर्मीने तैवानच्या परिसरातील जल आणि हवाई क्षेत्रात थेट गोळीबार सुरू केला आहे.
China Taiwan : अमेरिकन सिनेटच्या अध्यक्षा नॅन्सी पेलोसी (Nancy Pelosi Taiwan Visit) यांच्या भेटीनंतर चीन आणि तैवानमध्ये तणावाचे वातावरण आहे. आता प्रश्न पडतोय की चीन काय करणार आहे? याकडे अवघ्या जगाचं लक्ष लागलं आहे. गार्डियन वृत्तानुसार, फ्लाइट ट्रॅकर्सवर दोन अज्ञात विमाने दिसू लागली आहेत आणि ते तैवानच्या दक्षिणेकडील किनारपट्टीवर फिरत असल्याचं समोर आलं आहे.
Two unidentified aircraft appearing on flight trackers
— Helen Davidson (@heldavidson) August 4, 2022
1 has no call sign and has been doing laps of Taiwan's southern coast in an area aligning with one of the PLA exercise zones. pic.twitter.com/V8hD7HldKk
चीनी लष्कराकडून थेट गोळीबार सुरू
चीनच्या सरकारी टेलिव्हिजनने गुरुवारी वृत्त दिले की, चीनच्या पीपल्स लिबरेशन आर्मीने तैवानच्या आसपासच्या परिसरात जल आणि हवाई क्षेत्रात थेट गोळीबार सुरू केला आहे. तसेच रविवारी दुपारी 12.00 वाजता लष्कराचा सराव संपेल, असं सांगण्यात आले.
चीन प्रथमच 'या' क्षेपणास्त्राचा वापर करणार
तैवानच्या किनार्‍यावरील सरावांमध्ये, चीन प्रथमच DF-17 हायपरसॉनिक क्षेपणास्त्रांचा वापर करेल, असे ग्लोबल टाईम्सच्या अहवालात म्हटले आहे. ही क्षेपणास्त्रे प्रथमच तैवानवरून उड्डाण करतील आणि चिनी सैन्य 12 n च्या आतील भागात प्रवेश करेल.
तैवान-अमेरिकेच्या मैत्रीचा आम्हा सर्वांना अभिमान - नॅन्सी पेलोसी
अमेरिका सिनेटच्या अध्यक्षा नॅन्सी पेलोसी 3 ऑगस्ट रोजी तैवानच्या दौऱ्यावर होत्या. यादरम्यान त्यांनी तेथील राष्ट्राध्यक्ष त्साई इंग-वेन आणि इतर खासदारांची भेट घेतली. राष्ट्रपतींना भेटण्यापूर्वी नॅन्सी यांनी तैवानच्या संसदेलाही संबोधित केले. पेलोसी यांनी तैवानच्या संसदेत सांगितले की, "जगातील सर्वात स्वतंत्र समाजांपैकी एक म्हणून आम्ही तैवानची प्रशंसा करतो." ते म्हणाले की आम्ही तुमचे म्हणणे ऐकण्यासाठी आलो आहोत. तैवानने कोरोनाविरुद्धच्या लढाईत एक आदर्श ठेवला आहे. तैवान-अमेरिकेच्या मैत्रीचा आम्हा सर्वांना अभिमान आहे. असंही त्या म्हणाल्या
चीनने तैवानवर अनेक आर्थिक निर्बंध लादले
दुसरीकडे, अमेरिकेच्या या कृतीमुळे नाराज झालेला चीन कृतीत उतरला आहे. शी जिनपिंग यांच्या वन चायना धोरणाचा पाया डळमळीत होण्याची ही पहिलीच वेळ आहे. तैवानबाबत दोन महासत्ता समोरासमोर येण्याची ही पहिलीच वेळ आहे. या बेथलहाटमध्ये चीनने तैवानवर अनेक आर्थिक निर्बंध लादले. लष्करी सरावही सुरू आहेत. दरम्यान, चीन आता काय करणार आहे, असा प्रश्न उपस्थित होत आहे.
महत्त्वाच्या बातम्या
ट्रेंडिंग न्यूज
