Amar Singh Chamkila Teaser : पंजाबी गायक अमर सिंह चमकीला यांचे आयुष्य उलगडणार रुपेरी पडद्यावर; दिलजीत दोसांझ आणि परिणिती चोप्रा मुख्य भूमिकेत

Amar Singh Chamkila : पंजाबी गायक अमर सिंह चमकीला यांच्या आयुष्यावर आधारित सिनेमा लवकरच प्रेक्षकांच्या भेटीला येणार असून नुकताच या सिनेमाचा टीझर प्रेक्षकांच्या भेटीला आला आहे.

Amar Singh Chamkila

Amar Singh Chamkila Teaser Out : पंजाबचे लोकप्रिय गायक अमर सिंह चमकीला (Amar Singh Chamkila) सध्या चर्चेत आहेत. पंजाबी मनोरंजनसृष्टीतील या लोकप्रिय गायकाच्या आयुष्यावर आधारित असलेला सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे. 'अमर सिंह चमकीला' असेच या सिनेमाचे नाव आहे. 

'अमर सिंह चमकीला' (Amar Singh Chamkila) या बहुचर्चित सिनेमात दिलजीत दोसांझ (Diljit Dosanjh) आणि परिणिती चोप्रा (Parineeti Chopra) मुख्य भूमिकेत झळकणार आहेत. हा सिनेमा पुढील वर्षात नेटफ्लिक्स या ओटीटी प्लॅटफॉर्मवर प्रदर्शित होणार आहे. इम्तियाज अली या सिनेमाच्या दिग्दर्शनाची धुरा सांभाळणार आहेत. तर एआर रहमानने या सिनेमातील गाणी संगीतबद्ध केली आहेत. टीझर प्रेक्षकांच्या पसंतीस उतरला असून ते आता सिनेमाची प्रतीक्षा करत आहेत.

 

 

 

 

 

View this post on Instagram

 

 

 

 

 

 

 

 

 

 

 

A post shared by Netflix India (@netflix_in)

अमर सिंह चमकीला कोण आहे? (Who is Amar Singh Chamkila)

अमर सिंह चमकीला (Amar Singh Chamkila) हे पंजाबी मनोरंजनसृष्टीतील लोकप्रिय गायक आहेत. लाईव्ह परफॉर्मन्ससाठी प्रसिद्ध होते. गावकऱ्यांना त्यांची गाणी प्रचंड आवडत असे. पंजाबी मनोरंजनसृष्टीतील सर्वात महागडे गायक अशी अमर सिंह चमकीला यांची ओळख आहे. आपल्या गाण्यांच्या माध्यमातून लोकांवर प्रभाव पाडण्याचं काम त्यांनी केलं आहे. आपल्या गाण्यांच्या माध्यमातून सामाजिक संदेश देण्याचा प्रयत्न त्यांनी केला आहे. 

'पहले ललकारे नाल', 'बाबा तेरा ननकाना', 'तलवार मैं कलगीधर दी' ही अमर सिंह चमकीला यांची लोकप्रिय गाणी आहेत. त्यांनी 'जट दी दुश्मनी' हे सुपरहिट गाणं लिहिलं आहे. 'ताकुए ते तकुआ' या गाण्यामुळे अमर सिंह चमकीला चांगलेच लोकप्रिय झाले. 

अमर सिंह चमकीला यांचे चाहते 8 मार्च 1988 हा दिवस कधीच विसरू शकत नाहीत. 27 वर्षीय अमर सिंह त्यांच्या पत्नीसह म्हणजे अमरज्योतसोबत मेहसमपुर येथे गाणं गाण्यासाठी जात होते. त्यावेळी त्यांची हत्या करण्यात आली. त्यांची हत्या कोणी आणि का केली हे अद्याप समोर आलेलं नाही. आता 'अमर सिंह चमकीला' या सिनेमाची चाहत्यांना प्रतीक्षा आहे. 

संबंधित बातम्या