Pune crime news : दुबईहून सोन्याची तस्करी; पुणे विमानतळावर तब्बल 6 किलोचं सोनं जप्त
पुणे विमानतळ सोने तस्करीचा अड्डा बनत असल्याचं मागील काही दिवसांत झालेल्या कारावाईतून समोर आलं आहे. त्यातच आता पुन्हा एकदा दुबईहून तस्करी करून आणलेले 6 किलो 912 ग्रॅम सोनं जप्त करण्यात आलं आहे.
पुणे : पुणे विमानतळ सोने तस्करीचा अड्डा बनत असल्याचं (Pune Crime news) मागील काही दिवसांत झालेल्या कारावाईतून समोर आलं आहे. त्यातच आता पुन्हा एकदा दुबईहून तस्करी करून आणलेले 6 किलो 912 ग्रॅम सोने महसूल गुप्तचर संचलनालयाने (डीआरआय) पुणे आंतरराष्ट्रीय विमानतळावर जप्त केले. सोने तस्करी प्रकरणात एका महिलेसह दोघांना अटक करण्यात आली. या सोन्याची ककिंमत साधारण साडेतीन कोटी आहे.
दुबईहून सोन्याची तस्करी करून एक महिला पुणे विमानतळावर येणार असल्याची माहिती डीआरआय मिळाली होती. त्यानुसार पथकाने विमानतळावर सापळा लावला होता. दोघांची तपासणी केली असता त्यांच्याकडे सोने आढळून आले. त्यानुसार महिलेसह तिच्याबरोबर असलेल्या अटक करण्यात आली. आरोपींनी 6 किलो 912 ग्रॅम वजन असलेल्या सोन्याची पावडर केली होती. ती पावडर त्यांनी पट्टा आणि पाकिटात लपवून ठेवली होती.
पुणे विमानतळ सोने तस्करीचा अड्डा?
काहीच दिवसांपूर्वी पुणे विमानतळावर सोन्याची भुकटी (Pune Crime News) असलेली कॅप्सुल गुप्तांगात लपवून तस्करी करण्याचा प्रकार समोर आला होता. केंद्रीय सीमाशुल्क विभागाने हा प्रकार उघडकीस आणला होता. पुणे आंतरराष्ट्रीय विमानतळावर दोघांना पडकलं होतंआणि त्यांच्याकडून 33 लाख 33 हजार रुपयांची 555 ग्रॅम सोन्याची भुकटी जप्त केली होती. चक्क सोन्याची भुकटी असलेली कॅप्सुल गुप्तांगात लपवून नेत असल्याने अधिकाऱ्यांनीदेखील आश्चर्य व्यक्त केलं होतं. या प्रकरणी अटक केलेले दोघंही दुबईहून पुण्यातील लोहगाव आंतरराष्ट्रीय विमानतळावर आले होते. वेळी त्यांची हालचाल संशयास्पद आढळून आली होती. ते घाईघाईने विमानतळाच्या बाहेर पडण्याचा प्रयत्न करत होते. याच सगळ्या हालचाली कस्टमच्या अधिकाऱ्यांनी टिपल्या. हे सगळं लक्षात येताच कस्टमच्या अधिकाऱ्यांनी चौकशी करायला सुरुवात केली होती. त्यांनी तात्काळ दोघांना ताब्यात घेऊन चौकशी केली. त्यावेळी त्यांनी उडवा उडवीची उत्तरे दिली. मात्र त्यानंतर कस्टमच्या अधिकाऱ्यांनी त्यांची सखोल चौकशी करण्याचा निर्णय घेतला. त्यावेळी तपासणी केली असता. गुप्तांगात सोन्याची भुकटी असलेल्या कॅप्सुल लपवून ठेवल्याचं लक्षात आलं. जप्त केलेल्या सोन्याची किंमत 33 लाख 33 हजार रुपये असल्याची माहिती कस्टमच्या अधिकाऱ्यांनी दिली होती.
कस्टम विभागाकडून धडाधड कारवाई
मागील काही दिवसांपासून कस्टम विभागाने धडाधड कारवाई करायला सुरुवात केली आहे. पुण्यात 5 कोटी रुपयांचे ड्रग्ज जप्त केले होते. अंमली पदार्थ विरोधी आणि कस्टम विभागाची संयुक्त कारवाई करण्यात आली होती. याप्रकरणी चार जणांना अटक करण्यात आली होती. मेथॅम्फेटामाइन हे अंमली पदार्थ जलद आणि दीर्घकाळ टिकणारे प्रभाव असलेले कृत्रिम औषध, उत्तेजक म्हणून बेकायदेशीरपणे वापरले जाते. पुणे पोलिसांचं अंमली पदार्थ विरोधी पथक आणि कस्टम विभागाने संयुक्त कारवाई करतात.
इतर महत्वाची बातमी-
महत्त्वाच्या बातम्या
ट्रेंडिंग न्यूज
