Shivaji Kardile Rahuri Vidhan Sabha : राहुरी मतदारसंघातूनच विधानसभा लढवणार : शिवाजी कर्डीले

Shivaji Kardile Rahuri Vidhan Sabha : राहुरी मतदारसंघातूनच विधानसभा लढवणार : शिवाजी कर्डीले 

 येऊ घातलेली विधानसभा निवडणुक ही आपण राहुरी विधानसभा मतदारसंघातूनच लढवणार असल्याचे भाजप नेते माजी मंत्री शिवाजी कर्डीले यांनी स्पष्ट केले आहे...मागील काही दिवसांपासून शिवाजी कर्डीले हे श्रीगोंदा विधानसभा मतदारसंघातून विधानसभा निवडणुक लढवतील अशी चर्चा सुरू झाली होती...त्यातच भाजपचे माजी खासदार सुजय विखेंनी राहुरी विधानसभा मतदारसंघातून निवडणूक लढवण्याचे संकेत दिले होते...त्यामुळे शिवाजी कर्डीले हे राहुरी ऐवजी श्रीगोंद्यातून निवडणूक लढवतील असं वाटत असताना आता शिवाजी कर्डीले यांनी आपण राहुरीतुनच निवडणूक लढवणार हे स्पष्ट केले आहे...2019 मध्ये राहुरी विधानसभा मतदारसंघात शिवाजी कर्डीले यांचा पराभव झाला होता...राष्ट्रवादीचे प्राजक्त तनपुरे यांनी त्यांचा पराभव केला होता ...आता या पराभवाचा वचपा काढण्यासाठी शिवाजी कर्डीले हे सज्ज झाले असून राहुरी विधानसभा मतदारसंघातील जनतेनेच मला राहुरीतून निवडणूक लढवण्याचा आग्रह धरला असल्याचं शिवाजी कर्डिले यांनी म्हटले आहे... त्यामुळे येऊ घातलेल्या विधानसभा निवडणुकीत राहुरी विधानसभा मतदारसंघातून भाजप नेते शिवाजी कर्डिले विरुद्ध राष्ट्रवादीचे आमदार प्राजक्त तनपुरे यांच्या लढत होणार असल्याचे जवळपास निश्चित झाले आहे.