खुशखबर! ॲपल कंपनीने लॉन्च केला नवा फोन, जाणून घ्या iPhone 16e चे भन्नाट फिचर्स, किंमत नेमकी किती?

iPhone 16e launched : अॅपल कंपनीने नुकतेच iPhone 16e हा नवाकोरा फोन लॉन्च केला आहे. या फोनमध्ये अत्यंत आधुनिक फिचर्स देण्यात आले आहेत.

iphone 16e launched

गेल्या अनेक दिवसांपासून ॲपलच्या नव्या फोचनी चर्चा होती. ॲपल आपला iPhone SE 4 हा फोन नव्याने लॉन्च करणार असल्याचे म्हटले जात होते.

असे असतानाच आता ॲपलने iPhone SE 4 म्हणजेच iPhone 16e (आयफोन 16e) लॉन्च केला आहे. आज या फोनची ॲपलच्या अधिकृत संकेतस्थळावर माहिती देण्यात आली आहे. विशेष म्हणजे या फोनची ॲडव्हान्स बुकिंग येत्या 21 फेब्रुवारीपासून करता येणार आहे.

नव्याने लॉन्च झालेल्या iPhone 16e या फोनमध्ये अॅपल इन्टेलिजन्स आहे. सोबतच हा आयफोन 11 च्या तुलनेत या फोनमध्ये 9 तास अतिरिक्त व्हिडीओ प्लेबॅक आहे.

iPhone 16e या फोनमध्ये 48 मेगापिक्सेलचा रेअर कॅमेरा असणार आहे. सुपर हाय रिझोल्यूशनचा हा कॅमेरा असेल. या फोनला सिरॅमिक शिल्डही असेल.

अॅपल फोनच्या अधिकृत संकेतस्थळानुसार iPhone 16e या फोनची किंमत 59900 हजार रुपये असणार आहे. 2496 रुपयांच्या प्रतिमहिन्याच्या ईएमआयवरही तुम्ही हा फोन खरेदी करू शकता.

या फोनमध्ये टचआयडीच्या ऐवजी फेस आयडीची सुविधा देण्यात आलेली आहे. तसेच या फोनला तब्बल 6.1 इंची OLED डिस्प्ले असेल. सोबतच या फोनला सी-टाईप चार्जिंग स्लॉट असेल.

या फोनला म्यूट स्वीचऐवजी थेट अॅक्शन बटन देण्यात येईल. या फोनमध्ये पॉवरफुल असलेली A18 chip असेल.

अॅपल कंपनीने आयफोन 16 मध्ये अॅपल इंटेलिजेन्सची सुविधा देलेली आहे. हीच सुविधा आता iPhone 16e या फोनमध्ये देण्यात आलेली आहे.

iPhone 16e