ब्रेकफास्ट न्यूज : मुंबईसह उपनगरात अंड्यांच्या किमतीत वाढ

पावसामुळे मुंबई आणि उपनगरांत अंड्याच्या किंमतीत वाढ झाली आहे. अंड्यांचे दरात डझनेमागे 20 रुपयांची वाढ झाली आहे. परिणामी 55 रुपये दराने मिळणारी अंडी 75 रुपयांवर जावून पोहोचली आहेत. मुंबईत पावसाची कोसळधार सुरु असून वाहतूक यंत्रणेवर परिणाम झाला. त्यामुळे जीवनावश्यक वस्तू बाजारात पोहचण्यास अडचण होत आहे.. सध्या मुंबई आणि उपनगरात दिवसाला 80 ते 90 लाख अंड्यांची गरज असते. मात्र मागणी जास्त आणि पुरवठा कमी होत असल्याने अंड्याचे दर वाढले आहेत.