Urvil Patel Fastest T20 Century : IPL लिलावात Unsold राहिलेल्या पठ्ठ्याने 28 चेंडूत शतक ठोकत उडून दिली खळबळ! ऋषभ पंतचाही मोडला विक्रम

अलीकडेच सौदी अरेबियातील जेद्दाह शहरात आयपीएल 2025 चा मेगा लिलाव संपन्न झाला.

Urvil Patel smashes fastest T20 century by Indian

Source : ABP

Urvil Patel smashes fastest T20 century by Indian : अलीकडेच सौदी अरेबियातील जेद्दाह शहरात आयपीएल 2025 चा मेगा लिलाव संपन्न झाला. दोन दिवस चाललेल्या या मेगा लिलावात भारताच्या अनेक अनकॅप्ड खेळाडूंनीही भाग घेतला होता. ज्यामध्ये यष्टीरक्षक फलंदाज असलेल्या गुजरातच्या उर्विल पटेलवर कोणत्या संघाने बोली लावली नाही. आता त्याने सय्यद मुश्ताक अली ट्रॉफीमध्ये अवघ्या 28 चेंडूत शतक झळकावून इतिहास रचला आहे. आपल्या झंझावाती खेळीने उर्विलने टी-20 क्रिकेटमधील कोणत्याही भारतीय फलंदाजाचा सर्वात वेगवान शतकाचा विक्रम आपल्या नावे केला, जो आतापर्यंत ऋषभ पंतच्या नावावर होता.

सय्यद मुश्ताक अली ट्रॉफीचा सामना आज (27 नोव्हेंबर) गुजरात आणि त्रिपुरा यांच्यात झाला. यामध्ये गुजरातला 156 धावांचे लक्ष्य मिळाले आणि त्याचा पाठलाग करताना उर्विल पटेलने ऐतिहासिक खेळी केली. त्याने अवघ्या 28 चेंडूत आपले शतक पूर्ण केले. भारतासाठी टी-20 मधील कोणत्याही फलंदाजाने सर्वात जलद शतक करण्याचा विक्रम केला. यापूर्वी हा विक्रम ऋषभ पंतच्या नावावर होता. 2018 मध्ये हिमाचल प्रदेश विरुद्ध दिल्लीकडून खेळताना पंतने केवळ 32 चेंडूत शतक झळकावले होते, जे टी-20 मधील कोणत्याही भारतीयाचे सर्वात वेगवान शतक होते, परंतु आता त्याचा विक्रम उर्विलने मोडला आहे.

🚨 URVIL PATEL CREATED HISTORY 🚨

Urvil Patel smashed Hundred from just 28 balls in Syed Mushtaq Ali, fast hundred by an Indian in T20 history, breaking the record of Rishabh Pant 🙇

- Urvil Patel, WK batter was unsold in the auction. pic.twitter.com/K0Ju13pKFY

— Johns. (@CricCrazyJohns) November 27, 2024

उर्विलने या सामन्यात 35 चेंडूत 7 चौकार आणि 12 षटकारांसह 113 धावांची नाबाद खेळी खेळली. त्याच्या खेळीमुळे गुजरातने अवघ्या 10.2 षटकांत लक्ष्य गाठले आणि एकतर्फी विजयाची नोंद केली.

उर्विल बरोबर एक वर्षापूर्वी म्हणजे गेल्या वर्षी नोव्हेंबरमध्ये प्रकाशझोतात आला होता, जेव्हा त्याने लिस्ट ए क्रिकेटमध्ये कोणत्याही भारतीयाकडून दुसरे सर्वात जलद शतक झळकावले होते. उर्विलने 41 चेंडूत ही खेळी खेळली होती, पण तो युसूफ पठाणच्या मागे राहिला. युसूफने महाराष्ट्राविरुद्ध 40 चेंडूत विक्रमी खेळी खेळली. उर्वीलने अरुणाचल प्रदेशविरुद्ध ही कामगिरी केली होती.

हे ही वाचा -