India vs Pakistan : IPL च्या पठ्ठ्यांनी पाकिस्तानला लोळवलं, थरारक विजयानंतर टीम इंडियाची पॉइंट टेलबमध्ये मोठी झेप
इमर्जिंग आशिया कपदरम्यान युवा आयपीएल स्टार्सनी सजलेल्या भारत अ संघाने पाकिस्तानचा 07 धावांनी पराभव केला. आयपीएलच्या मुंबई इंडियन्सचे चार खेळाडू प्लेइंग 11 चा भाग होते.
ACC T20 Emerging Teams Asia Cup 2024 India beat Pakistan : चाहते आयपीएल 2025 ची आतुरतेने वाट पाहत आहेत. आयपीएलसारख्या मोठ्या स्पर्धांनी जागतिक क्रिकेटला अनेक महान खेळाडू दिले आहेत. नुकतेच आयपीएलच्या युवा स्टार्सच्या जोरावर भारत अ संघाने इमर्जिंग आशिया कपमध्ये पाकिस्तानचा पराभव केला. भारत अ संघाने हा सामना 07 धावांनी जिंकला. दोन्ही संघांमधील हा सामना ओमानमधील ओमान क्रिकेट अकादमीमध्ये खेळला गेला. शेवटच्‍या षटकापर्यंत रंगलेल्‍या या सामन्यात भारताच्या युवा खेळाडूंनी या दडपणाचा चांगला सामना करत या सामन्यात पाकिस्तानचा पराभव केला.
India ‘A’ clinched victory against Pakistan ‘A’ by 7 runs in a nail-biting match! A thrilling finish that kept everyone on the edge till the last ball! 🙌🥶#MensT20EmergingTeamsAsiaCup #ACC pic.twitter.com/OgCzabLrzs
— AsianCricketCouncil (@ACCMedia1) October 19, 2024
पाकिस्तानविरुद्ध खेळल्या गेलेल्या या सामन्यात भारत अ संघातील सर्व खेळाडू आयपीएलचे युवा स्टार आहेत. अलीकडेच या खेळाडूंनी आयपीएलमध्ये नाव कमावले. या संघात केवळ तीन खेळाडू होते ज्यांनी भारतीय वरिष्ठ संघासाठी पदार्पण केले आहे. ज्यामध्ये अभिषेक शर्मा, कॅप्टन तिलक वर्मा आणि राहुल चहर यांच्या नावाचा समावेश आहे. राहुल चहर बऱ्याच दिवसांपासून वरिष्ठ संघाबाहेर आहे. आयपीएलमध्ये अभिषेक शर्मा सनरायझर्स हैदराबादकडून, तिलक वर्मा मुंबई इंडियन्सकडून आणि राहुल चहर पंजाब किंग्जकडून खेळतो.
India 'A' vs Pakistan 'A' | Men's T20 Emerging Teams Asia Cup | Match 4https://t.co/jqxCXgGdxh#MensT20EmergingTeamsAsiaCup #ACC
— AsianCricketCouncil (@ACCMedia1) October 19, 2024
इतर खेळाडूंबद्दल बोलायचे तर सलामीवीर प्रभसिमरन सिंगलाही या सामन्यात खेळण्याची संधी मिळाली. या सामन्यात प्रभसिमरन सिंगने 19 चेंडूत 36 धावा केल्या. तो आयपीएलमध्ये पंजाब किंग्जकडून खेळतो. रमणदीप सिंगही प्लेइंग 11 चा भाग होता. त्याने बॅटने काही विशेष केले नसेल, पण क्षेत्ररक्षणात त्याने चमकदार खेळ केला. रमणदीप सिंग आयपीएलमध्ये मुंबई इंडियन्सकडून खेळतो.
या सामन्यात सामनावीर ठरलेला अंशुल कंबोज मुंबई इंडियन्सकडून खेळतो. नेहल वढेरा देखील मुंबई इंडियन्सचा एक भाग आहे. या सामन्यात मुंबई इंडियन्सचे एकूण 4 खेळाडू सहभागी झाले होते. याशिवाय निशांत सिंधू आयपीएलमध्ये चेन्नई सुपर किंग्जकडून, रसिक दार सलाम दिल्ली कॅपिटल्सकडून आणि वैभव अरोरा कोलकाता नाइट रायडर्सकडून खेळतो.
अशी आहे पॉइंट टेबलची स्थिती(ACC T20 Emerging Teams Asia Cup 2024 Points Table)
टीम इंडिया आता टी-20 इमर्जिंग एशिया कप 2024 च्या पॉइंट टेबलमध्ये दुसऱ्या स्थानावर पोहोचली आहे. टीम इंडियाचा नेट रन रेट सध्या +0.350 आहे. याशिवाय UAE संघ पहिल्या स्थानावर कायम आहे. यूएईने पहिल्या सामन्यात ओमानचा पराभव केला होता. UAE चा निव्वळ रन रेट +0.378 आहे.
स्पर्धेत 8 संघ सहभागी
टी-20 इमर्जिंग एशिया कप 2024 मध्ये एकूण आठ संघ सहभागी होत आहेत. सर्व आठ संघ प्रत्येकी 4 च्या दोन गटात विभागले गेले आहेत. टीम इंडिया अ, UAE, ओमान आणि पाकिस्तानला ग्रुप-अ मध्ये ठेवण्यात आले आहे. याशिवाय बांगलादेश अ, अफगाणिस्तान अ, श्रीलंका अ आणि हाँगकाँग अ यांना गट-ब मध्ये ठेवण्यात आले आहे. बांगलादेश आणि अफगाणिस्तानने ब गटातील विजयांसह आशिया चषक मोहिमेची सुरुवात केली आहे.
महत्त्वाच्या बातम्या
ट्रेंडिंग न्यूज
