एक्स्प्लोर

Swati Sachdeva Video: माझा व्हायब्रेटर सापडला अन्..., स्वाती सचदेवाच्या व्हिडीओने संताप, अश्लीलता पसरवल्याचा आरोप

Swati Sachdeva Video: कॉमेडीच्या नावाखाली अश्लीलता पसरवल्याचा आरोप स्वाती सचदेवावर करण्यात येत आहे.

Written By : मुकेश चव्हाण | Updated at : 30 Mar 2025 09:02 AM (IST)

Swati Sachdeva Video

Source : ABP

Swati Sachdeva Video: युट्यूबर रणवीर अल्लाहबादियाने 'इंडियाज गॉट लेटेंट' मध्ये केलेल्या एक वादग्रस्त वक्तव्यानंतर एकच संतापाची लाट पसरली होती. त्यानंतर युट्यूबर समन रैनावरही अश्लीलता पसरवत असल्याच्या आरोपावरुन नेटकऱ्यांनी टीका केली होती. त्यात अजून एका महिला स्टँड-अप कॉमेडियनची भर पडली आहे. स्टँड-अप कॉमेडियन स्वाती सचदेवाचा (Swati Sachdeva Video) एक व्हिडीओ सध्या सोशल मीडियावर व्हायरल होत आहे. या व्हिडीओमध्ये स्वाती सचदेवाने व्हायब्रेटरचा उल्लेख केला असून त्या विनोदाचा संबंध तिच्या आईशी तिने जोडला आहे. त्यामुळे कॉमेडीच्या नावाखाली अश्लीलता पसरवल्याचा आरोप स्वाती सचदेवावर करण्यात येत आहे.

स्वाती सचदेवा नेमकं काय म्हणाली? (What exactly did Swati Sachdeva say, video)

माझी आई कूल बनण्याचा प्रयत्न करतेय, पण तिच्याकडून ते घडत नाहीये. या विधानाबद्दल एक प्रसंग सांगताना स्वाती सचदेवा म्हणाली की, अलिकडेच तिच्यासोबत एक घटना घडली. माझ्या आईला माझे व्हायब्रेटर सापडले. यानंतर स्वाती सचदेवा आणि तिच्या आई यांच्यात जे काही संभाषण झाले, ते तिने सांगितले आहे. दरम्यान, व्हिडीओ समोर आल्यापासून, लोक सोशल मीडियावर स्वाती सचदेवाला ट्रोल करत आहेत.

ये बेशर्म स्वाति सचदेवा है कॉमेडी के नाम पर अश्लीलता फैलाने में लगी है । पैसे की सनक में अपने मम्मी पापा को भी नहीं बक्श रही । बेशर्म ।#Swatisachdeva pic.twitter.com/RWh5KfcHp8
— Ramit.kumar🇮🇳🏏 (@Ramit_kumar_001) March 28, 2025

कोण आहे स्वीती सचदेवा?

स्वाती सचदेवा ही एक स्टँड-अप कॉमेडियन आहे. याशिवाय, स्वाती सचदेवा एक लेखिका आणि डिजिटल कंटेंट क्रिएटर देखील आहे. अलिकडेच, LGBTQ वरील स्वाती सचदेवाचा एक व्हिडीओ व्हायरल झाला आहे, ज्यामध्ये तिने ती बायसेक्शुअल असल्याचे उघड केले आहे. स्वाती सचदेवा ही दिल्लीची रहिवासी आहे, तिचा जन्म 1992 मध्ये पंजाबमध्ये झाला. स्वाती सचदेवाच्या लिंक्डइन प्रोफाइलनुसार, तिने अ‍ॅमिटी विद्यापीठातून जाहिरात आणि मार्केटिंगचे शिक्षण घेतले आहे. शिक्षणानंतर स्वातीने मार्केटिंगमध्येही काम केले. स्वाती सचदेवा तिच्या कारकिर्दीच्या सुरुवातीला एक स्वतंत्र लेखिका होती. फ्रीलान्स कंटेंट लिहिताना, त्याने नंतर स्टँड-अप कॉमेडी सुरू केली. यानंतर, त्याने नेटफ्लिक्ससाठी फ्रीलान्स कंटेंट लिहिण्यास सुरुवात केली आणि विनोदी कलाकार म्हणूनही करिअर केले.

ही बातमीही वाचा:

Crime News: ऐ गौरी, माझ्याशी का भांडलीस?, राकेश रात्रभर मृतदेहाशी बोलत बसला; आरोपीच्या जबाबाने पोलिसही हादरले!

About the author मुकेश चव्हाण

मुकेश अजित चव्हाण, हे मुळेचे दक्षिण मुंबईकर असून डिजिटल पत्रकारितेच्या क्षेत्रात सुमारे ९ वर्षांचा अनुभव असलेले पत्रकार असून, सध्या ABP माझा डिजिटल विभागात कॉपी एडिटर म्हणून कार्यरत आहेत. महाराष्ट्र टाइम्समधून त्यांनी आपल्या ऑनलाइन पत्रकारितेच्या प्रवासाला सुरुवात केली. त्यानंतर लोकमतमध्ये सुमारे ५ वर्षे सीनियर एक्झिक्युटिव्ह म्हणून काम करताना त्यांनी डिजिटल न्यूज क्षेत्रातील अनुभव आणि कौशल्य अधिक विकसित केले. गेल्या ३ वर्षांपासून ते ABP माझाच्या डिजिटल विभागात कार्यरत आहेत.

मुंबईतील माटुंगा येथील रुईया महाविद्यालयातून त्यांनी पत्रकारितेची पदवी प्राप्त केली आहे. राजकीय, गुन्हेगारी आणि क्रीडा विषयक बातम्यांमध्ये त्यांना विशेष रुची आहे. एखादी महत्त्वाची घटना किंवा विशेष कार्यक्रम घडल्यास त्याचे विविध पैलू, वेगवेगळे दृष्टिकोन आणि बातमीमूल्य लक्षात घेऊन आशयपूर्ण व प्रभावी बातम्या तयार करण्यावर त्यांचा भर असतो.

देश-विदेशातील घडामोडींवर लक्ष ठेवणे, महत्त्वाच्या बातम्यांचे संपादन करणे, बातम्यांचे विविध अँगल शोधणे तसेच सकाळच्या शिफ्टची जबाबदारी सांभाळणे, अशा विविध जबाबदाऱ्या ते पार पाडतात. वेगवान डिजिटल पत्रकारितेत बातम्यांची अचूकता, सादरीकरण, वेळेचे व्यवस्थापन आणि वाचकांपर्यंत महत्त्वाची माहिती प्रभावीपणे पोहोचवण्यावर त्यांचा विशेष भर आहे.

Published at : 30 Mar 2025 09:02 AM (IST)

Tags :

Swati Sachdeva SOCIAL MEDIA Swati Sachdeva Video Swati Sachdeva On Vibrater Swati Sachdeva On Vibrator Swati Sachdeva Marathi News