PHOTO : मुंबईच्या राजाचा थाट लय भारी, त्याच्या दर्शनासाठी दुमदुमली नगरी सारी... गणेशगल्लीचा 22 फुटीवाला विसर्जनासाठी मार्गस्थ

Mumbaicha Raja Visarjan Miravnuk 2024 LIVE : गणेशोत्सवाची आज सांगता... मुंबईत लालबागचा राजा, गणेशगल्लीचा राजा, चिंतामणीसह सार्वजनिक गणरायांचं विसर्जन, घरगुती गणपतींनाही निरोप दिला जाणार आहे.

Mumbaicha Raja Visarjan Miravnuk 2024 LIVE

लालबाग सार्वजनिक गणेशोत्सव मंडळ म्हणजेच, गणेशगल्लीचा गणपती विसर्जनासाठी मार्गस्थ झाला आहे.

सर्वात आधी मुंबईच्या राजाची आरती पार पडली, त्यानंतर मुंबईच्या राजाचा जयघोष करण्यात आला.

अकरा दिवस अथोचित पाहुणचार घेतल्यानंतर मुंबईचा राजाची विसर्जन मिरवणूक थाटामाटात सुरू झाली आहे.

गुलालाची उधळण, गणपती बाप्पा मोरया, 22 फुटी वाले की जयच्या जयघोषात सर्वांचा लाडका विसर्जनासाठी मार्गस्थ झाला आहे.

मुंबईचा राजा आपल्या दरबारातून निघाला असून संपूर्ण लालबाग नगरीला एक प्रदक्षिणा घालून त्यानंतर विसर्जनासाठी गिरगाव चौपाटीच्या दिशेनं मार्गस्थ होणार आहे.

मोठ्या संख्येनं भाविक मुंबईच्या राजाच्या विसर्जन मिरवणुकीत सहभागी झाले असून ढोल-ताशांच्या तालावर ठेका धरला आहे.

गुलालाची उधळण करत, ढोल-ताशांच्या गजरात गणेशगल्लीकर आपल्या लाडक्या मुंबईच्या राजाला निरोप देण्यासाठी विसर्जन मिरवणुकीत सहभागी झाले आहेत.

संपूर्ण लालबागमध्ये अनेक पुष्पवृष्टी मुंबईच्या राजावर फुलांचा वर्षाव करण्यासाठी सज्ज आहेत.

अकरा दिवस आपल्याकडे पाहुणचार घेणाऱ्या लाडक्या मुंबईच्या राजाला कार्यकर्ते साश्रू नयनांनी निरोप देत असल्याचं पाहायला मिळत आहे.