एक्स्प्लोर

उन्हाचा कहर, महाराष्ट्र तापला, ठाणे जिल्ह्यात सर्वाधिक तापमानाची नोंद; गोव्यातही वाढलं टेंपरेचर

गेल्या दोन दिवसांत कोकणातील शहरं तापली असून राज्यात सर्वाधिक तापमानाची नोंद ठाणे जिल्ह्यात झाली आहे. ठाण्यात आज 39 अंश सेल्सिअस इतक्या तापमानाची नोंद झाली आहे.

By : अभिषेक मुठाळ | Updated at : 26 Feb 2025 08:37 PM (IST)

Temperature high in state highest in Thane

1/7

राज्यातील 4 ते 5 दोन दिवस उष्णतेची लाट असणार असल्याचा अंदाज मुंबई प्रादेशिक विभागाने वर्तवला होता. त्यानुसार, मुंबईसह कोकणातील काही जिल्ह्यात उष्णतेच्या झळा बसत आहेत.

2/7

गेल्या दोन दिवसांत कोकणातील शहरं तापली असून राज्यात सर्वाधिक तापमानाची नोंद ठाणे जिल्ह्यात झाली आहे. ठाण्यात आज 39 अंश सेल्सिअस इतक्या तापमानाची नोंद झाली आहे.

3/7

मुंबईत देखील उष्णतेची लाट असून सांताक्रुजमध्ये 38.5 अंश सेल्सिअस तापमानाची नोंद झाली आहे. मुंबई, ठाणे, रायगड या जिल्ह्यात उष्णतेची लाट पाहायला मिळत आहे.

4/7

राज्यात उन्हाळा सुरू झाला असून नागपूर, सोलापूर जिल्ह्यातही तापमानाने 38 अंश सेल्सियसपर्यंत झळा गाठल्या आहेत. त्यामुळे, नागरिक आत्तापासून छत्री घेऊन किंवा उन्हापासून बचाव करण्याची साधने घेऊन बाहेर पडत आहेत.

5/7

नवी मुंबईत 38 अंश सेल्सिअस तापमानाची नोंद करण्यात आली असून रत्नागिरीत तापमान 37.2 अंशांवर पोहोचले आहे. तर डहाणूत 38.2 अंश सेल्सिअस इतक्या तापमानाची नोंद झाली आहे.

6/7

सोलापूरमध्ये 36.9 अंश सेल्सिअस तापमानाची नोंद झाली असून गोवा देखील तापलं आहे, गोव्याची राजधानी असलेल्या पणजीत 37.6 अंश सेल्सिअस तापमानाची नोंद झाली आहे.

7/7

मार्च महिन्यात उन्हाळ्याच्या तीव्र झळा बसत असतात. मात्र, यंदा फेब्रुवारी महिन्याच्या शेवटच्या आठवड्यातच सूर्यदेव कोपल्याचे दिसून येते. उन्हामुळे अंगाची लाही लाही होऊ घामाच्या धारा लागल्या आहेत

Published at : 26 Feb 2025 08:37 PM (IST)

Tags :

Solapur Water Summer Temperature Thane MUMBAI Metrology