Kurla Building Collapse: कुर्ल्यात दुमजली घर पत्त्यांच्या बंगल्यासारखं कोसळलं! गल्लीत उभे असणारे ढिगाऱ्याखाली गाडले, CCTV व्हिडिओ व्हायरल

Kurla Building Collapse: कुर्ला येथील कुर्ला गाव पीटर परेरा रोडवर ही घटना घडली आहे. सदर विद्यार्थिनी तिच्या आजीसोबत क्लासला जाण्यास निघाली होती.

Kurla Building Collapse

कुर्ल्यात एक निर्माणाधीन दुमजली घर अंगावर कोसळून 12 वर्षीय विद्यार्थिनी गंभीर जखमी झाल्याची घटना समोर आली आहे. अनिशा रामचंद्र इपिली असे या विद्यार्थिनीचे नाव आहे.

कुर्ला येथील कुर्ला गाव पीटर परेरा रोडवर ही घटना घडली आहे. सदर विद्यार्थिनी तिच्या आजीसोबत क्लासला जाण्यास निघाली होती.

या वेळी त्या दोघी रस्त्यावरील वंदना ठक्कर यांच्या ८३ क्रमांकाच्या घराजवळ आल्या असता या घराच्या डागडुजीचे काम सुरू होते, तो वरील मजलाच त्यांच्या अंगावर कोसळला.

या घटनेमध्ये अनिशा गंभीर जखमी झाली, तिला स्थानिकांनी क्रीटीकेयर रुग्णालयात उपचारासाठी दाखल केले असून तिची स्थिती नाजूक आहे.

ही घटना या रस्त्यावरील सीसीटीव्ही मध्ये कैद झाली आहे. या प्रकरणी विनोबा भावे नगर पोलीस ठाण्यात घरमालक वंदना मथुरादास ठक्कर आणि कंत्राटदार ऑस्टिन न्यूनिस याच्यावर गुन्हा दाखल करण्यात आला आहे.

अनिशाच्या कुटुंबाची स्थिती प्रचंड हलाखीची असल्याने आणि त्यात अशी घटना घडल्याने हळहळ व्यक्त केली जात आहे