Chhaava Box Office Collection: फक्त 3 दिवसांत 100 कोटींचा आकडा पार... बॉक्स ऑफिसवर आता फक्त आणि फक्त 'छावा'चाच ताबा

Chhaava Box Office Collection Day 3: विक्की कौशल आणि रश्मिका मंदाना यांचा 'छावा' हा चित्रपट प्रदर्शित होताच बॉक्स ऑफिसवर धुमाकूळ घालत आहे. या ऐतिहासिक नाटकाला प्रेक्षकांकडून खूप प्रेम मिळत आहे.

Chhaava Box Office Collection Day 3

2025 सालच्या सर्व चित्रपटांना मागे टाकत हा सर्वात मोठा ओपनर चित्रपट ठरला. यानंतर, या चित्रपटानं आठवड्याच्या शेवटी एकच खळबळ उडवून दिली आहे.

'छावा' हा चित्रपट व्हॅलेंटाईन डे म्हणजेच, 14 फेब्रुवारी रोजी थिएटरमध्ये प्रदर्शित झाला. हा ऐतिहासिक नाट्य चित्रपट छत्रपती शिवाजी महाराजांचे पुत्र संभाजी महाराज यांच्यावर आधारित आहे.

लक्ष्मण उतेकर दिग्दर्शित या चित्रपटाला समीक्षकांकडून उत्तम प्रतिसाद मिळाला आणि प्रेक्षकांनाही विक्की कौशलचा 'छावा' हा चित्रपट खूप आवडला आहे. हा चित्रपट बॉक्स ऑफिसवर धुमाकूळ घालत आहे.

चित्रपटानं ओपनिंग धमाकेदार केली आणि आठवड्याच्या शेवटीही 'छावा'वर पैशांचा वर्षाव झाला.

चित्रपटाच्या कमाईबद्दल बोलायचं झालं तर, सॅकॅनिल्कच्या आकडेवारीनुसार, 'छवा'ने रिलीजच्या पहिल्या दिवशी 31 कोटी रुपयांची कमाई केली. दुसऱ्या दिवशी, चित्रपटाने 19.35% वाढीसह 37 कोटी कमावले.

आता चित्रपटाच्या प्रदर्शनाच्या तिसऱ्या दिवशी म्हणजेच पहिल्या रविवारी झालेल्या कमाईचे सुरुवातीचे आकडे समोर आले आहेत.

सॅक्निल्कच्या सुरुवातीच्या ट्रेंड रिपोर्टनुसार, 'छवा'नं रिलीजच्या तिसऱ्या दिवशी 49.50 कोटी रुपयांची कमाई केली आहे. यासह, 'छावा'ची तीन दिवसांत एकूण कमाई आता 117.50 कोटी रुपये झाली आहे.

'छावा' चित्रपटानं रिलीजच्या अवघ्या तीन दिवसांत 100 कोटींचा टप्पा ओलांडून इतिहास रचला आहे.

'छावा' मॅडॉक फिल्म्सच्या बॅनरखाली बनवण्यात आला आहे.

कोई मोईनं दिलेल्या वृत्तानुसार, हा चित्रपट फक्त 130 कोटी रुपयांमध्ये बनवण्यात आला आहे. या चित्रपटानं आपल्या बजेटचा आकडा रिलीजच्या केवळ तीन दिवसांतच गाठला आहे.

या चित्रपटाचं दिग्दर्शन लक्ष्मण उतेकर यांनी केलं आहे, तर विकी कौशलसह रश्मिका मंदाना, अक्षय खन्ना, आशुतोष राणा आणि विनीत कुमार सिंह हे कलाकार चित्रपटात महत्त्वाच्या भूमिका साकारताना दिसत आहेत.