आनंदाश्रू... IPL प्लेऑफमध्ये आरसीबीची एंट्री, नवऱ्याकडे पाहुन अनुष्का भावूक झाली

Anushka sharma emotion after RCB won

प्लेऑफ मधील एंट्रासाठी झालेल्या चेन्नई विरुद्ध आरसीबीच्या सामन्यात अखेर रॉयल चॅलेंजर्स बंगळुरूने बाजी मारली. या विजयासह प्लेऑफमध्ये पोहोचणारी आरसीबी चौथी टीम ठरली आहे.

कर्णधार फाफ डु प्लेसिसच्या नेतृत्त्वात टीम आरसीबीने दमदार कामगिरी करत यंदाच्या आयपीएलमधील आपलं प्लेऑफ तिकीट फिक्ल केलं आहे.

महेंद्रसिंह धोनीचा संघ मानल्या जाणाऱ्या चेन्नईविरुद्ध आरसीबीची लढाई होती. चेन्नईला शेवटच्या षटकात विजयासाठी 17 धावा करायच्या होत्या. मात्र, चेन्नईच्या यश दयाळनं केवळ 7 धावाच केल्याने चेन्नईला पराभव पत्कारावा लागला.

आयपीएल हंगामात अनेकदा विराट कोहलीच्या नेतृत्त्वात आयपीएल चॅम्पियनशीपचे स्वप्न पाहिलेल्या आरसीबीच्या पदरी निराशाच आली आहे.

यंदाच्या हंगामात मात्र आरसीबीने स्वत:ला सिद्ध करत चॅम्पिनयशीप होण्याच्या दिशेने आणखी एक पाऊल टाकले आहे. त्यामुळेच, चेन्नईविरुद्धच्या विजयाचा आनंदी क्षण हा आरबीसीसाठी तितकाच भावुकही होता.

शेवटच्या षटकातील शेवटचा चेंडू पडल्यानंतर आरसीबीच्या खेळाडूंनी विजयाचा जल्लोष सुरु केला. त्यावेळी, स्टेडियममधून सामना पाहणाऱ्या अनुष्का शर्मासाठीही हा आनंदा क्षण ठरला.

आरसीबीच्या विजयानंतर विराट कोहलीने मैदानात नेहमीच्यास्टाईलने हावभाव करत आनंद व्यक्त केला. मात्र, यावेळी, विराट काहीसा भावुकही झाल्याचं दिसून आलं.

विराटकडे पाहून अनुष्का शर्मानेही दोन हात उंचावत विजयाचा जल्लोष केला. यावेळी, तिच्या चेहऱ्यावरील भावुक क्षण कॅमेऱ्यात कैद झाला आहे.

नवऱ्याचा आनंद पाहून अनुष्काही भावुक झाली होती. स्टेडियममधून तिने टाळ्या वाजवून, हात उंचावून जल्लोष केल्याचं दिसून आलं.