एक्स्प्लोर

पराभव झाल्यानंतर ढसाढसा रडणारी, जिंकल्यानंतर आनंदाने उड्या मारणारी काव्या मारन उच्चशिक्षित; कोणत्या देशात घेतलंय शिक्षण?

Kavya Maran education qualification : सनरायजर्स हैद्राबादची मालकीण असलेल्या काव्या मारनचं शिक्षण किती झालंय?

By : जयदीप मेढे | Updated at : 29 Mar 2025 06:16 PM (IST)

Kavya Maran education qualification

Kavya Maran education qualification : आयपीएलच्या 18 व्या हंगामाला सुरुवात होऊन एक आठवडा उलटत आलाय. सर्वच संघातील नवख्या खेळाडूंनी आपली चमक दाखवण्यास सुरुवात केली आहे. दरम्यान, आयपीएलमध्ये जेवढे खेळाडू चर्चेत असतात तेवढीच चर्चा त्यांच्या संघ मालकांची देखील होतं असते. सध्या सर्वांत जास्त चर्चेत आहे, ती सनरायजर्स हैद्राबादची मालकीण काव्या मारन....प्रत्येक सामन्यात आपल्या खेळाडूंना सपोर्ट करण्यासाठी काव्या मारन मैदानावर असतेच...इतकंच नाही, आपला संघ जिंकत असताना काव्या मारन मैदानावर आनंदाने उड्या मारताना दिसते. तर पराभव झाल्यानंतर ढसाढसा रडताना देखील दिसली आहे. दरम्यान, काव्या मारन हिचं शिक्षण कुठे आणि किती झालंय? याबाबत जाणून घेऊयात...

काव्या मारनने कोणत्या देशात पूर्ण केलं शिक्षण?

काव्या मारन सनरायजर्स हैद्राबादची सीईओ आणि सह मालकीण आहे. आयपीएलमधील संघ मालकांपैकी काव्या मारन हे सर्वात चर्चेतलं नाव आहे. तिचा जन्म 6 ऑगस्ट 1992 मध्ये तामिळनाडूतील चेन्नईमध्ये झालाय. काव्या मारन एक प्रभावी आणि प्रतिष्ठित कुटुंबातील आहे. मारन हिचं कुटुंब उद्योग जगतातील मोठं नाव आहे. काव्या मारन सनरायजर्स हैद्राबादचा विजय अनेकदा सेलीब्रेशन करत असते. दरम्यान, हैद्राबादचा संघ पराभूत झाल्यानंतर काव्या ढसाढसा रडताना देखील दिसली आहे. याशिवाय सध्या तिच्या एका बड्या सिंगर सोबत डेटिंगच्या चर्चा देखील रंगू लागल्या आहेत. काव्या मारनचं शिक्षण किती झालंय जाणून घेऊयात...

शिक्षणाची सुरुवात चेन्नईमधून

काव्या मारनचं सुरुवातीचं शिक्षण चेन्नईमध्ये झालंय. त्यानंतर ती चेन्नईतीलच स्टेला मॅरिस कॉलेजमध्ये शिकण्यासाठी गेली होती. दरम्यान, भारतातील शिक्षण पूर्ण झाल्यानंतर तिने विदेशात जाण्याचा निर्णय घेतला. काव्याने इंग्लंडमध्ये वारविक बिझनेस स्कूलमधून MBA (मास्टर ऑफ बिजनेस एडमिनिस्ट्रेशन) चं शिक्षण घेतलंय. हे बिझनेस स्कूल जगभरातील प्रसिद्ध संस्थेपैकी एक आहे. या कॉलेजमध्ये काव्याने व्यवसाय व्यवस्थापन आणि नेतृत्व कौशल्ये याबाबतचं ज्ञान मिळवलंय.

काव्या मारन एक यशस्वी उद्योगपती तर आहेच..याशिवाय तिचं क्रिकेटवरचं प्रेम देखील सर्वश्रूत आहे. सनरायझर्स हैदराबाद (SRH) सामन्यांदरम्यान ती अनेकदा स्टेडियममध्ये दिसते, स्वत: उपस्थित राहून ती टीमला सपोर्ट करत असते. रिपोर्ट्सनुसार, तिच्या अनेक महागड्या आणि आलिशान गाड्या आहेत. तिला फॅशन आणि ट्रॅव्हलचीही आवड आहे आणि ती अनेकदा स्टायलिश लूकमध्ये दिसते.