Health Tips : चहा-कॉफीमध्ये साखर घालायची नसेल तर 'या' 3 गोष्टींचा समावेश करा; टेस्टी आणि हेल्दी चहासाठी उत्तम पर्याय

Health Tips : गुळामध्ये नैसर्गिक साखर असते ज्यामुळे चहा आणि कॉफी साखरेसारखी गोड होते.

Health Tips

Health Tips : साखर चवीला जरी गोड असली तरी यामुळे होणारे आजार मात्र फार गंभीर स्वरूपाचे असतात. सध्याच्या फीट राहण्याच्या काळात साखरेचे गंभीर परिणाम पाहून बहुतेक लोक आपल्या आहारातून साखर (Sugar) कमी करण्याचा प्रयत्न करतायत. साखरेमध्ये कोणतेही पोषक तत्व नसतात, तर ते शरीरासाठी फक्त रिक्त कॅलरीजचे स्रोत असते. साखरेच्या सेवनाने वजन वाढते, मधुमेह आणि हृदयाशी संबंधित आजारांचा धोका वाढतो. त्यामुळे लोक साखरेचा वापर कमी करतायत. अशा वेळी चहा (Tea) किंवा कॉफी (Coffee) बनवताना साखरेच्या जागी काय वापरावे जेणेकरुन चव टिकून राहावी आणि शरीराला नुकसान पोहोचणार नाही? असा प्रश्न तुम्हाला पडत असेल तर चला जाणून घेऊयात साखरेच्या जागी कोणत्या गोष्टींचा वापर करता येईल.

गुळाचा वापर : 

गुळामध्ये नैसर्गिक साखर असते. ज्यामुळे चहा आणि कॉफी साखरेसारखी गोड होते. गुळामध्ये खूप कमी कॅलरीज असतात आणि त्यात लोह, खनिजे इत्यादी विविध पोषक घटक असतात जे शरीराला ऊर्जा देतात. गुळामध्ये अँटिऑक्सिडंट गुणधर्म देखील असतात जे आपल्या पेशींचे संरक्षण करतात. याशिवाय गुळामुळे पचनक्रिया आणि रोगप्रतिकारशक्ती वाढते. त्यामुळे आरोग्याच्या दृष्टिकोनातून गूळ हा चहा आणि कॉफीमधील साखरेला चांगला पर्याय ठरू शकतो. 

मधाचा वापर :

मधामध्ये नैसर्गिकरित्या आढळणारी साखर चहा आणि कॉफीला साखरेइतकी गोड बनवते. मधामध्ये कॅलरीजचे प्रमाण खूप कमी असते आणि त्यात अनेक महत्त्वाचे पोषक घटक असतात. मधामध्ये अँटीऑक्सिडंट आणि अँटीबॅक्टेरियल गुणधर्म आढळतात जे आरोग्यासाठी फायदेशीर आहेत. हे रोगप्रतिकारक शक्ती मजबूत करते आणि शरीराला ऊर्जा देखील मिळते. त्यामुळे चव आणि आरोग्य या दोन्हीसाठी चहा आणि कॉफीमधील साखरेला मध हा एक चांगला पर्याय आहे. 

नारळाची साखर

नारळाची साखर ही नारळाच्या फळातून काढलेली नैसर्गिक साखर आहे. त्यात ग्लुकोज, फ्रक्टोज आणि सुक्रोज सारखे पोषक घटक आढळतात. ते चहा आणि कॉफी साखरेइतके गोड बनवते परंतु त्यात खूप कमी कॅलरी असतात. नारळाच्या साखरेचा ग्लायसेमिक इंडेक्स देखील खूप कमी आहे, ज्यामुळे ते मधुमेहाच्या रुग्णांसाठी देखील योग्य आहे. व्हिटॅमिन्स, मिनरल्स आणि अँटीऑक्सिडंट्सही त्यात आढळतात. त्यामुळे चहा आणि कॉफीमध्ये साखरेच्या जागी नारळाची साखर तुम्ही वापरू शकता.

टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. 

महत्त्वाच्या बातम्या :