Chhaava Box Office Collection Day 14: बॉक्स ऑफिसवर 'छावा'चं तुफान; 400 कोटींच्या क्लबपासून इंचभर दूर, 'बाहुबली 2'ला पुन्हा एकदा 'दे धक्का'

Chhaava Box Office Collection Day 14: 'छावा' चित्रपटानं अनेक हिट आणि ब्लॉकबस्टर चित्रपटांचे रेकॉर्ड मोडले आहेत. आता या चित्रपटानं प्रभासच्या 'बाहुबली 2' चित्रपटालाही मागे टाकलं आहे.

Chhaava Box Office Collection Day 14

Source : ABP Majha

Chhaava Box Office Collection Day 14: विक्की कौशलचा (Vicky Kaushal) 'छावा' चित्रपट (Chhaava Movie) सध्या रुपेरी पडद्यावर गाजतोय. हा चित्रपट बॉक्स ऑफिसवरही (Box Office) बरीच कमाई करतोय. हा चित्रपट 14 फेब्रुवारी रोजी प्रदर्शित झाला आणि आता तो चित्रपटगृहात प्रदर्शित होऊन 14 दिवस झाले आहेत. या काळात 'छावा'नं अनेक हिट आणि ब्लॉकबस्टर चित्रपटांचे (Blockbuster Movies) रेकॉर्ड मोडले आहेत. आता 'छावा' चित्रपटानं 'बाहुबली 2' (Baahubali 2) लाही मागे टाकलं आहे.

'छावा' चित्रपटानं पहिल्या आठवड्यात भारतीय बॉक्स ऑफिसवर 225.28 कोटी रुपयांची कमाई केली. चित्रपटानं आठव्या दिवशी 24.03 कोटी रुपये, नवव्या आणि दहाव्या दिवशी 44.1 कोटी रुपये कमावले. चित्रपटानं अकराव्या दिवशी 19.10 कोटी रुपये आणि बाराव्या दिवशी 19.23 कोटी रुपये कमावले होते.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vicky Kaushal (@vickykaushal09)

400 कोटींच्या क्लबमध्ये 'छावा'ची एन्ट्री

'छावा'नं तेराव्या दिवशी 25 कोटी रुपयांची कमाई केली. आता या चित्रपटानं चौदाव्या दिवसाच्या कलेक्शनसह भारतात 400 कोटींचा टप्पा ओलांडला आहे. विक्की कौशलच्या चित्रपटानं तेरा दिवसांत एकूण 397.86 कोटी रुपये कमावले. आता चौदाव्या दिवसाचे सुरुवातीचे आकडे समोर आले आहेत. सॅकनिल्कच्या मते, चित्रपटानं आतापर्यंत (रात्री 11 वाजेपर्यंत) 12 कोटी रुपये कमावले आहेत. यासह, 'छावा' चित्रपटाचं एकूण कलेक्शन आता 409.86 कोटी रुपयांवर पोहोचले आहे.

'छावा'नं 'बाहुबली 2' ला पुन्हा एकदा पछाडलं

अद्भुत कलेक्शनसह, 'छावा' नं प्रभासच्या 'बाहुबली 2' ला मागे टाकलं आहे. 2017 मध्ये प्रदर्शित झालेल्या या चित्रपटाला बॉक्स ऑफिसवर 400 कोटींच्या क्लबमध्ये प्रवेश करण्यासाठी 15 दिवस लागले. तर 'छावा'नं हा विक्रम फक्त 14 दिवसांत रचला आहे.

दरम्यान, 'छावा' नंतर विक्की कौशल 'महावतार' मध्ये दिसणार आहे. याशिवाय, त्याचा 'लव्ह अँड वॉर' हा चित्रपटही पाईपलाईनमध्ये आहे, जो संजय लीला भन्साळी दिग्दर्शित करत आहेत. या चित्रपटात विक्कीसोबत आलिया भट्ट आणि रणबीर कपूर देखील दिसणार आहेत.

महत्त्वाच्या इतर बातम्या :