Cannes Film Festival 2023 : 'कान्स फिल्म फेस्टिव्हल'ला आजपासून सुरुवात; 'या' अभिनेत्री उंचावणार देशाची शान

Cannes Film Festival : 'कान्स फिल्म फेस्टिव्हल'ला आजपासून सुरुवात होत आहे.

Cannes Film Festival

Cannes Film Festival : जगभरातील सिनेप्रेमींसाठी महत्त्वाचा असणाऱ्या 'कान्स फिल्म फेस्टिव्हल'ला (Cannes Film Festival 2023) आजपासून सुरुवात होत आहे. 76 व्या कान्स फिल्म फेस्टिव्हलकडे सर्वांचं लक्ष लागलं आहे. 16 ते 27 मे दरम्यान यंदाचा कान्स फिल्म फेस्टिव्हल पार पडणार आहे. 'कान्स फिल्म फेस्टिव्हल'च्या रेड कार्पेटवर दरवर्षी जगभरातील अनेक कलाकार पदार्पण करत असतात. यंदादेखील अनुष्का शर्मापासून मानुषी छिल्लरपर्यंत अनेक बॉलिवूड सेलिब्रिटी कान्स फिल्म फेस्टिव्हलच्या रेड कार्पेटवर पदार्पण करणार आहेत. 

'या' अभिनेत्री उंचावणार देशाची शान

अनुष्का शर्मा यावर्षी कान्स फिल्म फेस्टिव्हलमध्ये पदार्पण करणार आहे. सिनेसृष्टीतील महिलांचा गौरव केला जाणाऱ्या कार्यक्रमात अनुष्का सहभागी होणार आहे. या कार्यक्रमात अनुष्कासह हॉलिवूडची प्रसिद्ध अभिनेत्री केट विन्सलेटदेखील सहभागी होणार आहे. अनुष्का शर्मासह मिस वर्ल्ड आणि अभिनेत्री मानुषी छिल्लरदेखील कान्सच्या रेड कार्पेटवर आपला जलवा दाखवताना दिसणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Festival de Cannes (@festivaldecannes)

बॉलिवूड अभिनेत्री सनी लिओनीदेखील कान्स फिल्म फेस्टिव्हलमध्ये सहभागी होणार आहे. सनी पहिल्यांदाच कान्समध्ये सहभागी होणार आहे. बॉलिवूडचा लोकप्रिय सिने-दिग्दर्शक अनुराग कश्यप कान्समध्ये हजेरी लावणार आहे. सोशल मीडिया इन्फ्लुएंसर डॉली सिंहदेखील कान्स फिल्म फेस्टिव्हलमध्ये पदार्पण करणार आहे. 

'कान्स फिल्म फेस्टिव्हल 2023' कुठे पार पडणार?

'कान्स फिल्म फेस्टिव्हल 2023'चं आयोजन फ्रान्समधील फ्रेंच रिवेरा येथे होणार आहे. कान्स फिल्म फेस्टिव्हलमध्ये अनेक सिनेमे दाखवले जाणार आहेत. या फिल्म फेस्टिव्हलच्या रेड कार्पेटवर अनेक सेलिब्रिटी आपल्या अदांनी सर्वांचं लक्ष वेधून घेत आहेत. 

'कान्स फिल्म फेस्टिव्हल 2023'चा ड्रेस कोड काय आहे? 

'कान्स फिल्म फेस्टिव्हल 2023'मध्ये सहभागी होणाऱ्यांसाठी खास ड्रेस कोड ठेवण्यात आला आहे. तसेच या ड्रेस कोडचे काटेकोरपणे पालन करावे लागेल, असे सांगण्यात आले आहे. महिला कॉकटेल ड्रेस परिधान करू शकतात. ब्लॅक टॉप, ब्लॅक ट्राउजर किंवा भडक रंगाची फॉर्मल ट्राउजर महिला परिधान करू शकतात. तर दुसरीकडे या परुषांना डिनर जॅकेट किंवा सूट परिधान करावे लागतील. तसेच या ड्रेसवर शूजदेखील घालावे लागणार आहेत. 

संबंधित बातम्या