Bunty Shelke : संघाच्या इशाऱ्यावरच नाना पटोलेंचे काम; काँग्रेसच्या बंटी शेळकेंचा घाणघात, पक्षातून बडतर्फ करण्याचीही मागणी
Bunty Shelke : नाना पटोले हे राष्ट्रीय स्वयंसेवक संघाच्या इशाऱ्यावर काम करतात. ते संघाचे एजंट आहेत. त्यामुळे त्यांना पक्षातून बडतर्फ करा अशी मागणी काँग्रेसचे पराभूत उमेदवार बंटी शेळके यांनी केलीय.
Bunty Shelke नागपूर : माझे नेते राहुल गांधीजी म्हणतात "घाबरू नका", तुमचे सरकार किंवा तुमच्या पक्षाच्या नेत्यांनी काही चुकीचे केले तरी उघड विरोध करा. मी माझ्या नेत्याने दिलेल्या आदेशाचे आणि माझ्या लोकशाही अधिकारांचे पालन करत आहे. संघ मुख्यालयासमोर द्वेषाची भावना असलेल्या संघाची खाकी चड्डी आणि काळ्या टोप्या हा गणवेश मी जाळू शकतो, तर काँग्रेस पक्षाच्या सन्मानासाठी नाना पटोले यांच्यासारख्या संघाच्या दलालांचाही मी तीव्र निषेध करू शकतो. असा घणाघात करत काँग्रेसचे तरुण आणि तडफदार नेते बंटी शेळके (Bunty Shelke) यांनी काँग्रेस प्रदेशाध्यक्ष नाना पटोले (Nana Patole) यांच्यावर गंभीर आरोप केले आहे.
नाना पटोले हे संघाचे एजंट- बंटी शेळके
काँग्रेस प्रदेशाध्यक्ष नाना पटोले हे राष्ट्रीय स्वयंसेवक संघाच्या इशाऱ्यावर काम करत आहे. ते संघाचे एजंट म्हणून काम करतात त्यामुळे त्यांना पक्षातून बडतर्फ करून त्याच संघटनेत पाठवावे, अशी आक्रमक भूमिका घेत मध्य नागपुरातील काँग्रेस पक्षाचे पराभूत उमेदवार बंटी शेळके यांनी आता थेट प्रदेशाध्यक्षा विरोधात दंड थोपटत आपल्या परभवाचे खापर फोडले आहे. गेल्या निवडणुकीत निसटता पराभव झाल्यानंतरही बंटी शेळके यांनी मतदारसंघ सोडला नाही. त्यांनी यंदा उमेदवारी खेचून आणत पक्षांतर्गत विरोधकांवर मात केली. निकालानंतर पाच दिवसांनी शेळके यांनी थेट मुंबईतच पटोले यांच्यावर शरसंधान केले. गेल्या निवडणुकीत चार हजार मतांनी पराभूत झालो. त्या निवडणुकीतही पटोले यांनी पदाधिकाऱ्यांना माझे काम न करण्याबाबत सूचना केल्या होत्या. नाना पटोले यांनी या निवडणुकीत पॅनलमध्ये नाव पाठवले नव्हते. बहुतांश ब्लॉक अध्यक्ष माझ्या बाजूने नव्हते. दोन महिला अध्यक्ष माझ्याविरोधात नियुक्त केल्या. मध्यतील कुणालाही पद हवे असल्यास माझा विरोध करावा, अशी त्यांची भूमिका राहिली, असा घणाघाती आरोप ही शेळके यांनी केला.
तो संघटनेतला विषय आहे, त्यावर औषध नंतर करू- नाना पटोले
दरम्यान, बंटी शेळके यांनी नाना पटोलेंवर गंभीर आरोप केले असताना दुसरीकडे नाना पटोले यांनी या विषयावर अधिक बोलणे टाळले आहे. बंटी शेळके यांनी केलेल्या आरोपावर मी नंतर बोलले, तो संघटनेतला विषय आहे, त्यावर औषध नंतर करू. मी लोकशाही वाचवण्यासाठी काम करत आहे. त्याचे गांभीर्य मला आहे, लोकशाही वाचेल तर देश वाचेल. झारखंडमध्ये मते वाढली, पण फक्त दीड टक्का होते, पण महाराष्ट्रमध्ये 7.6 टक्के मतदान वाढले, एवढी लाईन कुठे लागली, बूथ कॅपचरिंग निवडणूक आयोग करत आहे का? असा प्रश्न उपस्थित होत असल्याचे म्हणत नाना पटोलेंनी अधिक बोलणे टाळले आहे.
बंटी शेळके हा लढवय्या नेता आहे- विजय वडेट्टीवार
बंटी शेळके काय बोलले हे मला माहीत नाही, त्यांचा उद्रेक का झाला, ही भाषा ते का वापरात आहे. हे हायकमांडच्या कानावर घालू, उद्वेगाची करणे शोधले पाहिजे. त्यांना ठेच लागली, याची माहिती घेतली जाईल. जय पराजय होत असतो, संयम महत्वाचा असतो, 16 चे 160 कसे होतील, बंटी शेळके हा लढवय्या आहे, निवडणुकीत मदत कमी पडल्याने त्यांनी राग व्यक्त केला असावा असे मत काँग्रेस नेते विजय वडेट्टीवार यांनी बोलताना व्यक्त केले आहे.
हे ही वाचा
महत्त्वाच्या बातम्या
ट्रेंडिंग न्यूज
