Kalyan Crime News : हॉटेलमध्ये बसून जेवण देण्यास नकार, ग्राहक-हॉटेल कर्मचाऱ्यांमध्ये राडा, प्रकार सीसीटीव्हीत कैद

Kalyan Crime News :

Kalyan Crime News

Kalyan Crime News : रात्री हॉटेल बंद असताना हॉटेल मध्ये जाऊ देत नाही, याचा राग आल्याने ग्राहकाने हॉटेलच्या वॉचमन वर चाकूने हल्ला केला. त्यानंतर संतप्त हॉटेल कर्मचाऱ्यांनी ग्राहकाला बेदम मारहाण केल्याची घटना कल्याण परिसरात घडली. या मारहाणीचा संपूर्ण प्रकार सीसीटीव्हीत कैद झाला आहे. याप्रकरणी खडकपाडा पोलिसांनी परस्पर विरोधी गुन्हा दाखल करत पुढील तपास सुरू केला आहे

दोन्ही ग्राहकांची वॉचमनला बेदम मारहाण

कल्याण पश्चिम येथे नामांकीत पॅराडाईज हॉटेल आहे. रात्री एक वाजताच्या सुमारास हे हॉटेल बंद झाले असताना त्या ठिकाणी शार्दुल काळे व मयूर बर्गे नामक दोन व्यक्ती हॉटेलमध्ये जेवणासाठी आले. मात्र हॉटेलच्या बाहेर उभा असलेल्या महेश गुप्त नामक वॉचमेन व इतर कर्मचाऱ्यांनी हॉटेल बंद आहे, फक्त पार्सल मिळेल  असे सांगितल्यावर संतप्त झालेल्या शार्दुल काळे व मयूर बर्गे या दोन्ही ग्राहकाने वॉचमनला बेदम मारहाण करत त्याच्यावर चाकूने हल्ला केला.

मारहाणीचा प्रकार सीसीटीव्हीत कैद

रक्तबंबाळ वॉचमनला पाहून हॉटेलमधील वेटर व इतर कर्मचाऱ्यांनी मिळून या दोन्ही ग्राहकांना बेदम मारहाण केली. या घटनेत ग्राहक व वॉचमन दोन्ही गंभीर जखमी झाले असून पोलिसांनी परस्पर  विरोधी गुन्हा दाखल करतात तपास सुरू केला असून मारहाणीचा हा सर्व प्रकार सीसीटीव्हीत कैद झाला आहे.

महत्वाच्या इतर बातम्या