मुंबई : ऊसावर केंद्राने दिलेली सबसिडी अपुरी : शरद पवार

केंद्रीय कॅबिनेटने ऊसाला प्रतिटन 55 रुपयांची सबसिडी देण्यास मंजुरी दिली असली तरी ही मदत अपुरी असल्याचं मत राष्ट्रवादी काँग्रेसचे अध्यक्ष शरद पवार यांनी व्यक्त केलं आहे. याबाबत केंद्र सरकारने पावलं उचलण्याची गरज असल्याचंही पवारांनी म्हटलं आहे. सरकारच्या या निर्णयानंतर ऊस उत्पादक शेतकऱ्यांना काही प्रमाणात दिलासा मिळणार आहे. केंद्र सरकारच्या या निर्णयामुळे महराष्ट्राच्या वाट्याला 522 कोटी रुपये मिळतील. तर हाच आकडा देशभरात 1500 कोटींच्या घरात आहे. याआधी 2015-16 मध्ये साखरेवर सबसिडी देण्याचा निर्णय केंद्र सरकारने घेतला होता. त्यावेळी एका टन साखरेवर 45 रुपये इतकी सबसिडी केंद्र सरकारनं मंजूर केली होती.