(Source: ECI/ABP News/ABP Majha)
Hardik Pandya : बघतोस काय रागानं... गुलीगत शॉट मारलाय पांड्या भावानं; BCCIने शेअर केला व्हिडिओ
कसोटी मालिका जिंकल्यानंतर टीम इंडियाने बांगलादेशविरुद्धच्या तीन सामन्यांच्या टी-20 मालिकेला विजयाने सुरुवात केली.
Ind vs Ban 1st T20I : कसोटी मालिका जिंकल्यानंतर टीम इंडियाने बांगलादेशविरुद्धच्या तीन सामन्यांच्या टी-20 मालिकेला विजयाने सुरुवात केली. दोन्ही संघांमधील मालिकेतील पहिला सामना ग्वाल्हेरच्या न्यू माधवराव सिंधिया क्रिकेट स्टेडियमवर खेळला गेला. या सामन्यात भारतीय संघाने 7 गडी राखून विजय मिळवला. या सामन्यात भारतीय संघाचा स्टार अष्टपैलू खेळाडू हार्दिक पंड्याने अप्रतिम कामगिरी केली. पण सामन्यादरम्यान त्याने एक सुपर शॉट खेळला ज्याने सर्वांना आश्चर्यचकित केले. पांड्याचा हा नो लुक शॉट पाहून सगळेच चक्क झाले.
या सामन्यात हार्दिक पांड्याने टीम इंडियासाठी सर्वाधिक धावा केल्या. या खेळीदरम्यान त्याने 12व्या षटकात अप्रतिम शॉट खेळला. ही षटके बांगलादेशचा अनुभवी गोलंदाज तस्किन अहमद टाकत होता. तस्किन अहमदने षटकातील तिसरा शॉट-बॉल टाकला, पण पांड्या या चेंडूसाठी तयार होता. पांड्याने हा चेंडू न बघता पाठीमागे मारला आणि तोही 4 धावासाठी. या शॉटचा व्हिडिओ सध्या सोशल मीडियावर व्हायरल होत आहे.
𝘿𝙊 𝙉𝙊𝙏 𝙈𝙄𝙎𝙎!
— BCCI (@BCCI) October 6, 2024
The shot. The reaction. The result ➡️ EPIC 😎
WATCH 🎥🔽 #TeamIndia | #INDvBAN | @hardikpandya7 | @IDFCFIRSTBank https://t.co/mvJvIuqm2B
हार्दिक पांड्या चांगल्या फॉर्ममध्ये दिसत होता. त्याने शानदार फलंदाजी करत टीम इंडियाला सहज विजय मिळवून दिला. हार्दिक पांड्याने या सामन्यात केवळ 16 चेंडूंचा सामना केला आणि 243.75 च्या स्ट्राइक रेटने नाबाद 39 धावा केल्या. हार्दिक पांड्यानेही या खेळीत 5 चौकार आणि 2 षटकार मारले. पांड्याने षटकार ठोकत संघाला विजय मिळवून दिला.
या सामन्यात भारतीय कर्णधार सूर्यकुमार यादवने नाणेफेक जिंकून प्रथम गोलंदाजी करण्याचा निर्णय घेतला. त्याचा निर्णयही योग्य ठरला. बांगलादेशचा संघ 19.4 षटकात 127 धावावर ऑलआऊट झाला. भारताकडून वरुण चक्रवर्ती आणि अर्शदीप सिंग यांनी शानदार गोलंदाजी करत 3-3 बळी घेतले. तर हार्दिक पांड्या, मयंक यादव आणि वॉशिंग्टन सुंदर यांनी प्रत्येकी 1 बळी घेतला. त्याचवेळी, भारतीय संघाने 11.5 षटकांत केवळ 3 विकेट गमावून 128 धावांचे लक्ष्य गाठले. पांड्याशिवाय संजू सॅमसन आणि सूर्यकुमार यादव यांनीही 29-29 धावा करत विजयात मोलाचा वाटा उचलला.
हे ही वाचा -
महत्त्वाच्या बातम्या
ट्रेंडिंग न्यूज
