Maharashtra Weather Update: उन्हाच्या झळांनी नागरिक हैराण; आता दक्षिण कोकण आणि मध्य महाराष्ट्रात पावसाची शक्यता, IMD काय म्हणतंय, पाहूया...

मार्चच्या सुरुवातीच्या दिवसात राज्यातील अंतर्गत भागात 2-3 अंशांनी तापमान वाढणार असल्याचं सांगण्यात आलंय.

Weather

फेब्रुवारी महिन्यातच उष्णतेच्या लाटांचा इशारा देण्यात आल्यामुळे महाराष्ट्र तापला आहे.राज्याच्या बहुतांश भागात तापमानाचा पारा 35 ते 40 अंशांच्या दरम्यान आहे.

हवामान विभागाने सध्या उत्तरेकडील राज्यांना तीव्र पावसाचा इशारा दिलाय .त्यामुळे जम्मू काश्मीरसह हिमाचल प्रदेश, पंजाब, हरियाणा उत्तराखंड आणि राजस्थान भागात मुसळधार पावसाची शक्यता आहे.

दरम्यान पुण्याचे हवामान विभागाचे प्रमुख के एस होसाळीकर यांनी मार्च ते मे दरम्यान साधारण 10 दिवस उष्णतेच्या लाटेची शक्यता वर्तवलीय .

फेब्रुवारीच्या शेवटच्या दिवशी राज्यात बहुतांश ठिकाणी सामान्य तापमानाहून अधिक तापमान नोंदवले गेले . बहुतांश ठिकाणी सर्वाधिक तापमानाचा नोंदी होत्या .

मंगळवारपासून दक्षिण कोकण गोवा तसेच मध्य महाराष्ट्राच्या दक्षिण भागात हलक्या पावसाची शक्यता आहे .

4 मार्च रोजी हवामान विभागाने दक्षिण कोकण आणि दक्षिण मध्य महाराष्ट्रात पावसाची शक्यता वर्तवली आहे .

28 फेब्रुवारीला मुंबईत 38.4 अंश सेल्सिअस,पुण्यात 35.2°,अकोल्यात 38 डिग्री तर सांगली 36.2 अंश सेल्सिअस तापमान होते .