Santosh Deshmukh Videos: संतोष देशमुखांचा व्हिवळतानाचा आवाज, छातीवर उडी मारल्यानंतर रक्ताची उलटी, त्या 15 व्हिडीओंमध्ये नेमकं काय?

Santosh Deshmukh Case: संतोष देशमुख यांना अत्यंत क्रूरपणे मारण्यात आले होते. वाल्मिक कराड आणि त्याच्या साथीदारांनी 9 डिसेंबर 2024 ला अपहरण करुन संतोष देशमुखांची हत्या केली होती.

Santosh Deshmukh videos

संतोष देशमुख हत्या प्रकरणातील आरोपी महेश केदारने स्वतःच्या मोबाइलमध्ये देशमुख यांना मारहाण करताना तब्बल 15 व्हिडिओ आणि 8 फोटो घेतले होते. या सगळ्या गोष्टी पोलिसांनी रिकव्हर केल्या आहेत. हे 15 व्हिडिओ आता समोर आले आहेत.

हे व्हिडिओ पोलिसांनी न्यायालयात सादर केले होते. देशमुख यांचे अपहरण केल्यानंतर दुपारी 3 वाजून 46 मिनिटांनी मारहाणीला सुरुवात झाल्याचा पहिला व्हिडीओ आहे, तर शेवटचा व्हिडीओ हा 5 वाजून 53 मिनिटांचा असल्याची माहिती समोर आली आहे. ज्यामध्ये संतोष देशमुख यांचा विव्हळताना एकदम लहान आवाज येत आहे.