Maharashtra Rain Live Update : छत्रपती संभाजीनगरमध्ये सर्वदूर वादळी वाऱ्यासह जोरदार पाऊस
Maharashtra Rain Live Update : राज्याच्या विविध भागात अवकाळी पावसानं (Unseasonal rain) कहर केला आहे. या अवकाळी पावसाचा मोठा फटका राज्यातील शेती पिकांना बसला आहे.
LIVE
Background
Jalna News: जालना: अवकाळी पावसाने वीज पडून 10 जनावरं दगावली
Jalna News: जालना जिल्ह्यात सलग चौथ्या दिवशी पावसाने जोरदार हजेरी लावली. दुपारी आलेल्या पावसासोबत विजेच्या गडगडात जिल्ह्यात 10 जनावरं दगावलीत. अंबड तालुक्यात 8, भोकरदन, बदनापूर तालुक्यात 2 जनावरे वीज कोसळून दगावली, हवामान खात्याने आज ऑरेंज अलर्ट जारी केला होता, दुपारी अचानक आलेल्या पावसा सोबत वादळी वाऱ्याने फळपीक तसेच भाजीपाल्याचे देखील मोठे नुकसान झाल आहे.
Yavatmal News: सोसाट्याच्या वाऱ्यात अख्खा मंडप कोसळला ऐक लग्न मंडपात पावसाचे सावट
Yavatmal News: यवतमाळच्या झरी तालुक्यातील मुकुटबन जवळीळ रुईकुट येथे बालाजी मोहितकार यांच्या मुलींच्या विवाह कार्यातच सोसाट्याच्या वाऱ्यासह पावसाला सुरुवात झाली. अशातच मंडप कोसळल्याने आलेल्या पाहुण्यांची दानादान उडाली.
APMC Election 2023 : त्र्यंबकेश्वरला बाजार समितीसाठी 85 टक्के मतदान, काहीवेळ अवकाळी पावसाची हजेरी
APMC Election 2023 : नाशिक कृषी उत्पन्न बाजार समितीसाठी निवडणुकीत त्र्यंबकेश्वर येथील जिल्हा परिषद शाळामध्ये मतदान झाले. सायंकाळी चार वाजेपर्यंत 85 टक्के मतदान झाले. निवडणुकीमुळे राजकीय वातावरण तापले असल्याने त्र्यंबक पोलिस यंत्रणा कमालीची दक्ष होती. दोन्ही पॅनलमध्ये मिळून त्र्यंबकेश्वर तालुक्यातील जवळपास बारा उमेदवार निवडणूक रिंगणात आहेत. तसेच त्र्यंबकेश्वरला उप बाजार समिती होणार असल्याने प्रथमच बाजार समिती साठी मोठी चुरस त्र्यंबक तालुक्यात दिसून आली. तालुक्यातील हरसुल येथेही निवडणूक मतदानाला मोठा प्रतिसाद लाभला आहे.
Unseasonal Rain: अवकाळी पावसाचा फटकाविद्यार्थ्यांना फटका, विद्यार्थी परीक्षेला तब्बल दोन तास उशीरा
Unseasonal Rain: अवकाळी पावसाचा फटका परीक्षार्थी विद्यार्थ्यांना बसला आहे. सीमावर्ती भागातील विद्यार्थी परीक्षेला तब्बल दोन तास उशीरा पोहचले. लातूर झहिराबाद रस्ता पाण्याखाली गेल्याने विद्यार्थ्यांची अडचण झाली आहे. अवकाळीच्या तडाख्याने जमखंडीचा पूल पाण्याखाली गेला आहे. BA, B.Com, BCA च्या अनेक परीक्षार्थी परीक्षेला उशीरा पोहोचले. परिस्थिती लक्षात वेळ वाढवून देण्यात आला आहे.
छत्रपती संभाजीनगरमध्ये सर्वदूर वादळी वाऱ्यासह जोरदार पाऊस
Chhatrapati sambhaji nagar : छत्रपती संभाजीनगरमध्ये जिल्हाभरात सर्वदूर वादळी वाऱ्यासह जोरदार पाऊस झाला आहे. गेल्या तीन दिवसांपासून मराठवाड्यात अवकाळी पावसानं जोरदार हजेरी लावली आहे. त्यातच आज पुन्हा छत्रपती संभाजीनगर जिल्ह्यात दुपारनंतर सर्वदूर अवकाळी पावसाने हजेरी लावली आहे. जिल्ह्यातील पैठण,सिल्लोड, फुलंब्री, वैजापूर, गंगापूर, कन्नड सर्वत्र ढगाळ वातावरण निर्माण झाला आहे. तर या भागात ठिकठिकाणी जोरदार वाऱ्यासह अवकाळी पाऊस कोसळताना पाहायला मिळतोय. तर छत्रपती संभाजी नगर शहरात देखील मुसळधार पावसाला सुरुवात झाली आहे.
कुठं पडतोय पाऊस
छत्रपती संभाजीनगर शहरात वादळी वाऱ्यासह जोरदार पावसाला सुरुवात.
खुलताबाद शहर व ग्रामीण भागात विजेच्या कडकडाटात व सुसाट वादळ वाऱ्यासह जोरदार पाऊस सुरू.
झोलेगाव परिसरात वादळी वाऱ्यासह जोरदार पावसाला सुरुवात.
पैठण शहरात अवकाळी पाऊसाची बॅटिंग, वादळ वाऱ्या सह विजांचा कडकडाट पाहायला मिळतोय.
वैजापूर शहर आणि परिसरात जोरदार पाऊस सुरू असून, तालुक्यातील खंडाळा,लाडगावसह ठिकठिकाणी जोरदार वाऱ्यासह पाऊस पडतोय.
बिडकीन गावात जोरदार वाऱ्यासह पावसाला सुरुवात झाली आहे.
पैठण एमआयडीसी परिसरात जोरदार पावसाला सुरुवात. सोबतच वादळी वारा देखील पाहायला मिळतोय.
गंगापूर तालुक्यातील लासुर स्टेशनला जोरदार वाऱ्यासह मुसळधार पाऊस पडतोय.
दौलताबाद परिसरात वादळी वाऱ्यासह पाऊस सुरू आहे.
पैठणच्या चित्तेगाव परिसरात वादळी वाऱ्यासह पाऊस सुरू आहे.
महत्त्वाच्या बातम्या
ट्रेंडिंग न्यूज
