Breaking News LIVE Updates : मुंबई: कांदिवलीतील इमारतीला आग; दोघांचा मृत्यू
Breaking News LIVE Updates, November 06 2021: दिवसभरातील ताज्या घडामोडी, महत्त्वाचे अपडेट्स, देशभरासह राज्यातील कोरोना संबंधित, राजकीय, सामाजिक, आर्थिक, क्रीडा तसेच इतर अपडेट्स या लाईव्ह ब्लॉगमध्ये.
Background
Cruise drug case: समीर वानखेडेंना पोस्टवरुन हटवलं नाही, पण..., एनसीबीकडून स्पष्टीकरण
Mumbai Cruise drug case : मुंबईमधील क्रूझ ड्रग्ज प्रकरणानंतर समीर वानखेडे यांचं नाव प्रकाशझोतात आले. आर्यन खानला अटक केल्यानंतर अनेकांकडून समीर वानखेडे यांच्या कारवाईवर आक्षेप घेण्यात आला होता. त्यांच्यावर अनेक आरोप झाले. त्यातच शुक्रवारी समीर वानखेडे यांच्याकडून आर्यन खानसह इतर सहा ड्रग्ज केसचा तपास काढून घेतल्याच्या बातम्या आल्या. यावर आता एनसीबीकडून स्पष्टीकरण आलं आहे. समीर वानखेडे यांची बदली अथवा त्यांच्याकडून कोणत्याही केसेसचा तपास काढून घेतलेला नाही, अशाप्रकारचं स्पष्टीकरण आलं. शुक्रवारी रात्री उशीरा एनसीबीकडून एक परिपत्रक जारी करण्यात आलं आहे. यामध्ये समीर वानखेडे यांना पदावरुन हटवलं नसल्याचं स्पष्ट केलं आहे. एनसीबीचे अधिकारी संजय कुमार सिंह यांनी याबाबतच परिपत्रक काढलं आहे. या ते म्हणतात, एनसीबी डायरेक्टरंच्या निर्देशानुसार एक एसआयटी कमिटी गठन केली आहे. जी मुंबई एनसीबीची सहा केसेस टेकओव्हर करेल. राष्ट्रीय आणि आंतरराष्ट्रीय लिंकचा यात चौकशी केली जाणार आहे. कोणत्याही अधिकाऱ्याला पोस्टवरुन हटवण्यात आलेलं नाही. ते या ऑपरेशन ब्रांचला असिस्ट करत राहणार आहे. एनसीबी केंद्रीय पथक आहे, जो एकत्र मिळून देशभरातील केसेसचा तपास करते.
IND Vs SCO: आधी गोलंदाजांनी रोखलं, मग फलंदाजांनी चोपलं; भारताचा स्कॉटलँडवर दणदणीत विजय
India Vs Scotland: दुबईच्या आंतरराष्ट्रीय मैदानात आज खेळण्यात आलेल्या सामन्यात भारताने स्कॉटलँडवर 8 विकेट्सने विजय मिळवला आहे. या सामन्यात नाणेफेक जिंकून भारताने स्कॉटलँडच्या संघाला प्रथम फलंदाजी करण्यासाठी आमंत्रित केलं. दरम्यान, भारतीय गोलंदाजांनी उत्कृष्ट गोलंदाजी करीत स्कॉटलँडच्या संघाला केवळ 85 धावांवरच गुडांळले. या लक्ष्याचा पाठला करण्यासाठी मैदानात उतरलेल्या भारताच्या सलामीवीरांनी 6.3 षटकातच संघाला विजय मिळवून दिलाय.
पालघरच्या डहाणूत Hit and Runचा थरार, भरधाव वेगात कार चालवत पादचाऱ्यांना उडवलं, पोलीस अधिकाऱ्याविरोधात गुन्हा दाखल
पालघर : पालघर जिल्ह्यात डहाणूमध्ये भरधाव गाडीनं पादचाऱ्यांना उडवल्याची (Hit and Run case in Palghar) दुर्घटना घडली आहे. गाडी चालवणारा पोलीस अधिकारी असल्याचं सांगण्यात येतंय. चिंचणी ते डहाणू प्रवास करताना चालकानं बाजूनं चालत असलेल्या पती-पत्नीला धडक दिली. अपघातानंतर चालक फरार झाला अशी माहिती पोलीस उपअधीक्षकांनी दिली. ही गाडी सहाय्यक पोलीस निरीक्षक सुहास खारमाटे यांच्या नावावर आहे. डहाणू पोलीस ठाण्याच्या सहाय्यक पोलीस निरीक्षक सुहास खारमाटे यांच्या विरोधात वाणगाव पोलीस ठाण्यात गुन्हा दाखल करण्यात आला आहे. तारापूर ते डहाणू पोलीस ठाण्यापर्यंत भरधाव गाडी चालवून अपघात करून काहींना जखमी केल्याची घटना समोर आली आहे. त्यातील एकाची प्रकृती ही चिंताजनक असल्याने त्या व्यक्तीला नानावटी रुग्णालयात हलविण्यात आले आहे.
मुंबई: कांदिवलीतील इमारतीला आग; दोघांचा मृत्यू
मुंबईतील कांदिवली येथील हन्सा हेरिटेज इमारतीला लागलेल्या आगीत दोघांचा मृत्यू झाला आहे. यामध्ये एका महिलेचा समावेश आहे. शनिवारी रात्री इमारतीला आग लागली होती. घटनेची माहिती मिळताच अग्निशमन दलाच्या जवानांनी घटनास्थळी धाव घेतली.
अनिल देशमुख अद्याप सेशन कोर्टात, आरटीपीसीआर रिपोर्ट अद्याप आला नाही
माजी गृहमंत्री अनिल देशमुख हे अजूनही सेशन कोर्टातच..
त्यांची आरटीपीसीआर रिपोर्ट अजूनही आलेली नाही
आरटीपीसीआर रिपोर्ट आल्यानंतर निश्चित होणार त्यानां कुठ ठेवला जाणार
रिपोर्ट येण्यास उशिरा होणार असल्याची सुत्रांची माहिती
पीएमएलए कोर्टानी अनिल देशमुख यांना न्यायलयीन कोठड़ीत पाठविण्याचा आदेश दिला आहे.
महत्त्वाच्या बातम्या
