Nagpur Violance : नागपूर हिंसाचाराचा पहिला बळी, मेयो रुग्णालयात इरफान अन्सारीने प्राण सोडला

Nagpur : नागपुरातील हिंसाचाराच्या प्रकरणात एक मोठी बातमी समोर आली आहे. दंगेखोरांकडून केलेल्या दगडफेक आणि जाळपोळीच्या घटनेत जखमी अवस्थेतच असेलल्या एका व्यक्तीचा मृत्यू झाल्याची माहिती समोर आली आहे.

First victim of Nagpur violence

Source : ABP Majha

Nagpur Violance : नागपुरातील हिंसाचाराच्या प्रकरणात एक मोठी बातमी समोर आली आहे. दंगेखोरांकडून केलेल्या दगडफेक आणि जाळपोळीच्या घटनेत जखमी अवस्थेतच असेलल्या एका व्यक्तीचा मृत्यू झाल्याची माहिती समोर आली आहे. ईरफान अंसारी असे या मृत व्यक्तीचे नाव आहे. गेल्या काही दिवसापासून नागपुरातील मेयो रुग्णालयात (Mayo Hospital) ईरफान अन्सारी यांच्यावर उपचार सुरु होते. सोमवारी झालेल्या हिंसाचारात ते गंभीर जखमी झाले होते. अखेर उपचार दरम्यान मेयो रुग्णालयात इरफान अन्सारीने प्राण सोडले आहे. किंबहुना या घटनेने नागपूर हिंसाचाराचा (Nagpur Violance)  पहिला बळी आज अन्सारी ठरल्याचे पुढे आले आहे. 

नागपुरात गेल्या सोमवारी(17 मार्च) विश्व हिंदू परिषद आणि बजरंग दलाच्या आंदोलनानंतर मोठा हिंसाचार भडकला. दोन गटात झालेल्या राड्यानंतर शहरात प्रचंड तोडफोड आणि जाळपोळ झाल्याचे बघायला मिळाले. यात दंगेखोरांकडून केलेल्या दगडफेक आणि जाळपोळीच्या घटनेत पोलिसांसह नागरिकही जखमी झाले. दंगलीनंतर या घटनेचे पडसाद सर्वत्र उमटत असतांना या हिंसाचाराची दाहकता ही समोर आली आहे.

जाळपोळ आणि दगडफेकीत 60 वाहनांचे नुकसान, 5 जण जखमी

नागपूर हिंसाचारात 60 वाहनांची तोडफोड करण्यात आली आहे. यात 5 जण जखमी झाले असून एका घराचे नुकसान झाले आहे. प्राथमिक सर्वेक्षणात 20 दुचाकी, 40 चारचाकीचे नुकसान झाले आहे. तर 2 क्रेन जाळण्यात आल्या आहेत. उड्डाणपुलाच्या कामासाठी असणाऱ्या क्रेन जाळण्यात आल्याने सुमारे 70 लाख रुपयांचे नुकसान झाल्याचा कंस्ट्रक्शन कंपनीचा दावा आहे.

....त्यांनतर आम्ही आमची बाजी मांडू- देवेंद्र फडणवीस 

दरम्यान मुख्यमंत्री देवेंद्र फडणवीस यांनी आज नागपुरात वरिष्ठ पोलीस अधिकाऱ्यांसोबत बैठक घेत परिस्थितीचा आढावा घेतला. नागपूरच्या हिंसाचारावर वरिष्ठ पोलीस अधिकाऱ्याकडून माहिती जाणून घेतली. यावेळी नागपूरचे पालकमंत्री चंद्रशेखर बावनकुळे, पोलीस आयुक्त रवींद्ररकुमार सिंगल,  जिल्हधिकारी विपीन इटनकरसह इतर वरिष्ठ पोलीस अधिकारी बैठकीला उपस्थित होते.  त्यानंतर मुख्यमंत्र्यांनी पत्रकार परिषद घेत माहिती दिली. यावेळी ईरफान अन्सारी यांच्या मृत्यू बाबत विचारणा केली असता, इरफान अन्सारीच्या मृत्यू बद्दल डॉक्टर अधिकृत घोषणा करेल. त्यांनतर आम्ही आमची बाजी मांडू अशी प्रतिक्रिया देवेंद्र फडणवीस यांनी यावेळी दिली. 

हे ही वाचा